ياااه يمّه تذكرين !

ياااه يمّه تذكرين !
يوم كنت صغيره يمّه
كنت أجي أركض لحضنك
أحضنه حيييل وأشمّه
وألتفك لمّك وأقول :
ليه أنا يمّه صغيره
أبي أكبر : (
وكنتي انتي تضحكين ,
من براءة أمنياتي
وتهمسين :
بكره يمّه تكبرين “
يااه يمّه تذكرين ؟
كان عندي دُبّ بنّي
كان غاالي وحييل أحبّه
كنت كل ليله قبل نومي أضمّه
وأهمس بإذنه سوالف يومي كلّه
ليين أغفى , تذكرين !
ايه يمّه وتذكرين ؟
ذاك فستاني الصغير
كان فاااتن
حتى لو كان شبرين
ياااه يمّه ..
يا حلو ذيك السنين
هذا انا يمّه كبيره
بس حتى الحين طفله
ايه والله ..
طفله مليانه حنين ..

 

يعطيك العافيه على طرحك المتالق
تقبلي مرروي مع اطيب الاماني
دمتي بخير