هي غلطتي والا الزمن دوم غلطان؟؟؟

هي غلطتي والا الزمن دوم غلطــــــان .. منك العتب ؟ والا العتب من زمــــــــاني



أحيان أحس الحزن .. لـ أجلي وأحيان .. أقول هذا الحزن ماهو عشـــــاني



ياليتها غربه وأدوّر لي أوطـــــان .. ياليتها دمعه وتنسى زمـــــــاني



ياليتها كلمه وأدوّر لي إنسان .. ياليتها ساعه وأعدّ الثــــــواني



كل العمر وأنا مع الهم أخــــــوان .. لاضاق صدره زارني وابتـــلاني



أكذب عليك إن قلت عايش وفرحــــان .. وأكذب عليك ان قلت موتي كفــــاني



من يأخذ همومي ويعطيني إنســــان .. ماجاه مثل اللي من الحزن جــــــاني



المشكله ماهي بغلطه وندمان .. المشكله ليه الوفاء دوم فــــــــاني



صوره وملّتها من الشيل جــــدران .. ورده وذبلت ومن قطفني رمـــــاني



كل آدمي يفرح وتنساه الأحــــــزان .. الا .. انا .. عمر الحزن مانســـاني



ماعاد باقي بالعمر كثر ماكـــــان .. والصمت يقتل فرحتي والأمـــــاني



هات الحزن مادامها أحزان بـ أحزان ..هات الحزن دام الفرح مالقــــاني



ياليل وين الصبح كل يوم سهــــران .. أسهر وحزني يحتوي كل مكــــاني



يابلاد عمري مابقا فيك سكــــان .. ويادمع عيني من بقا مابكــــاني



وياقسوة الأيام حنّي بـ انســــان .. لو راح ماتلقين انسان ثــــاني