رسمتى

رسمت ورده صغيرة
وخرجت اقول دى رسمتى..
يادنيتى
...شوفتى الجمال

شوفتها ..
شوفت الجمال
رجعت طاير م الفرح
قالوا فرح
مالوا الليلة دى نشيط كدا
وحاله عال

كنت بجرى..
دخلت بتنا ..
وقطعت ورقه من كتاب
وف ضهرها
بدأ القلم يرسم حاجات
فاتت ساعات
لاقتنى راسم
راس كبيرةمدورة
وعنين جميلة
وجسم خط
وايد ماسكة ايد
بتحبها
وهناك بعيد
واحد وحيد
واقف بييكى م الالم
ومعاه قلم
وورقه باقيه من كتاب
مرسوم على ضهرها
واحدة كان هيحبها
راس كبيرة مدورة
وعنين حميلة
وجسم خط
شخابيط كتيرة
ف قلبه شالها وراح مشى
قبل ما يقول انه مات
فضل سكات
ياخده ف طريق
مفهوش عيون
عشان عنيه
ناويه تبكى لوحدها
من غير كلام