قولوا (( للغالي )) قولوا له ،

قـــولو للغـــالــــي ....


وقتي جبرني ياحبيبي على البوح
والعين غيمه..تعتليها سحابه
حاولت أصد بدمعتي قبل لاروح
وأقفيت وأعلنت إنكسار المهابه
فرقاك تشبه(نزعة الصمت)للبوح
يومك مشيت ... ولاترد الاجابه
أمشي مع العالم ولي قلب مذبوح
واشوف موتي ما أحس بغرابه
كانك نويت البعد والصد مسموح
بعدك أعيش اللي بقى بالكتابه
أصلاً حياتي كلها دمع مسفوح
عزيز قوم وما بخافيه جابه
ماغير انا والهم والحزن والنوح
أعيش معهم والهموم إتشابه
اهديك روحي وانت تهدي لي جروح
واعطيك قلب..وتفتخر في عذابه
مابين وصلي والجفا شي مفضوح
كتمت حبك بالخفوق وسطا به