ذبلني البعد تدريني مالي اجناح

محتاجك حلم يالمااتمر بطيف
ومحتاجك فرح بشفاف العيون
يالشوفة اعيونك عيد الايتام
وعطر شفتك عسل وي تين معجون
ذبلني البعد تدريني مالي اجناح
واناظر حزن لجناح اليطيرون
تعال لخاطر اعيوني ودمعها
وتعال اسمع الونه في وجعها
تصيح افدي العمر الكم يعنون
محتاجك حلم بشفاف العيون
اريدك تدري اريدك دون هالناس
وعسل همسة اشفافك تضوي بالكاس
عطر الورد انته ..ورقـــــه... وأحساس
خطفت العقل مني اصبحت مجنون
محتاجك فرح بشفاف العيون
محتاجك فقط بس انته دون الغير
ومحتاج لغرامك يابشير الخير
قبل حبك كنت جناحي مايعرف يطير
وهسه من الفرح طاير مع الكــــــــــون
محتاجك حــــــــــــلم وتكحل العيون
محتاجك تمرني بحلم طيفي
ومحتاجك سحابه مطر صيفي
بكيفك ياحبيبي... واني بكيفي
مانسمع كلام اللي يقولـــــــــــــــون
محتاجك حلم وتكحل العيون
محتاجك فرح بشفاف العيون

 

اشكرك على هذاا الطرح الرااااائع والمميز
بانتظاار جديدك بكل شؤؤؤق
الْلَّه يُعْطِيـــــك الْعــافِيَّة
دمتِ بالف خير
لك أرق التحيـآآ
تحيااتي واحترااامي لك..