يا لّلي ملكت الروح لا تتعب الروح

قلبـي مـن صـدودك مثـل طيـر ٍ مجـروح ... طـــاوي علـى كسـر المحبـة جناحـه

يا لّلي ملكت الروح لا تتعب الروح ... هوّن على روحٍ تبا منك راحه

دار الخفوق الّلى بالاشواق ملحوح .... لحّ الغريب الّلي نوى البعد زاحه

وإرحم فوادي م التسلّي والمزوح .... وإنته فهيم إبسلوته وإنشراحه

مضناك م الفرقة جريحٍ ومطروح .... دامك بعيدٍ من يداوي جراحه

جازيتني عن طول وجدي ومسموح .... بنارٍ في قلبي مساه وصباحه

ما أقدر على بعدك وأنا منك مذبوح .... وش حيلتي في إلّلي عيونه سلاحه

قلبي من إصدودك مثل طيرٍ مجروح .... طاوي على كسر المحبّة جناحه

شفتك بعيني برّ في لجّه إيلوح .... وأنا غريق وما أعرف السّباحه

حسنك وزينك متلفنّي ولا بوح .... خيّم على قلبي غدر وإستباحه

ليلي ونهاري من عنا شوقي أنوح .... عطني من الأشواق يوم إستراحه

يا ليت ترحم حالتي قبل لا أروح .... وتروف باللي يعدّ شوفك رباحه

قل لي شعورك في صراحة وبوضوح .... أنا أحبّك قلتها في صراحة

 

اشكرك على هذاا الطرح الرااااائع والمميز
بانتظاار جديدك بكل شؤؤؤق
الْلَّه يُعْطِيـــــك الْعــافِيَّة
دمتِ بالف خير
لك أرق التحيـآآ
تحيااتي واحترااامي لك..