تصميمات مودرن للمساحات الصغيرة

• هل فيه أنواع من الأثاث المودرن معروفة ومضمونة علشان الشباب يشتريها!
  

المودرن فيه منه حاجات بتتصنع في مصر، وفيه حاجات تانية بتكون مستوردة من تركيا وماليزيا واللي مشهورين جداً بالجودة، وأهم حاجة إننا نروح لمكان له اسم كبير؛ لأن السمعة مهمة جداً، أو ممكن نستعين بنجار كويس يعمل نفس الشكل اللي موجود في الكتالوج أو نستعين بمهندس ديكور يشرح ويصمم للنجار شكل الأثاث المودرن المناسب.

• وإيه هو الأثاث النيوكلاسيك!
  

النيوكلاسيك هو الأثاث اللي بيجمع بين المودرن والكلاسيك، وبيكون بإضافة أجزاء وإكسسوارات وحليات من الأثاث الكلاسيكي على الأثاث المودرن، ونشعر به بالطابع الكلاسيكي زي الأنتريه المذهب بدلا من الصالون المذهب، لكن ميزته إنه بياخد مساحة أصغر من مساحة الأثاث الكلاسيك.