همسات القلوب

احضنيني
لبّى قلبكْ
صار له فترة :
يسافر لك حنيني ..!

بي سما تخفق بـ صدري
لـ اجل الحبّ وعيونك
ولـ اجل الله
ولـ اجل الغيم واحساسك
ولـ اجل اللي [ يغاغي ] داخلي لـ اجلك
ولو مرة امطريني ..!

دثريني
بـ شعرك اللي لا لمسته
طار بي فـَرْحي
وتوالى الكون فيني..!

لا حضنتينـي بحضنـك كـلّ آمـالـي تتحـقـق

وكـل هالدنيـا بطقّـة أصبعـي حـالاً تجيـنـي

هائـك بْآخـر كلامـك : كنهـا خمـر ٍ معـتـق

من شفاهـك ينسكـبْ بشفاهـي وْيلغـي أنينـي

لو يشوفك هالجمـال ؛ الحـق باقولـه : توهـق

يشكر الله بس توهق ؛ كيف لـو شافـك بعينـي

عينـك اللـي ساحرتنـي كنهـا حبـات فستـق

وملمس خدودك - برقة - يالغلا يفضـح كنينـي

من هي اللي في جمالك ؛ لا وربـي مـا أصـدّق

إنت نور الشمس شافك ؛ قال لك : وينك ووينـي

لا مشيتي بالشـوارع : زهرهـا تْمايـل وصفـق

ثورتك فاقت إثارة [ هتلر ٍ ] مَعْ [ موسيليني ] ..!

كل ميّت - مـن مـرورك - دمّـه بْقلبـه تدفـق

وكل حي ٍ من غيابك كنـه يقـول : اندبينـي ..!

يا غيابه شوف حالي ؛ وارحـم دموعـي وترفـق

يا حضوره هات يدك : مدها ؛ كانـك تبينـي ..!

كل يوم ٍ لي رهان ٍ : من هو اللـي فيـك يسبـق

واسبق العالم واجي لك ؛ وارتـوي أو ترتوينـي

ميت بحبـك متيـم ؛ كـل شـي ٍ فيـك أعشـق

لي سؤالْ ؛ اسمع سؤالي : إنتي مثلي تعشقيني ..؟

يا جنوني
يا هدوئي
يا بكاي
ويا فرح دمعي
ونبض القلب
يا مجمل سنيني ..!

احضنيني
لبى روحك
اشتهيت البرد في صوتك
ولـ الصيف بـْ حنانك

اشتهيتك حلم
لا مني حضنتك
راح ؛ ما كنـّه معي
لين ضمّتني يديني ..!