سؤال عندك جوابه

سؤال عندك جوابه

وليه حنروح بعيد ونهرب..
طول ما السؤال عمال يقرب..
بين حب روح.. وحب عقل..
انا حبى بوح.. وانت تقل..
انا حبى لك عمر اتخلقلك..
مش زى حبك اساسه عقلك..
حبى اتوصفلك.. ولما صادفك..
خلانى اكون ف الدنيا اهلك..
وتكون قصادى.. حبى وحياتى..
ويكون حنانى علاج مشاكلك..
هوالسؤال ومش جديد..
حله وجوابه عندك اكيد..
تطوى المسافه البعيده بينا..
انت ف ايديك كل اللى بينا..
وانت الوحيد..
عندك الحل السعيد..

انت اللى بين ايديك جوابه..
وبين ايديك مروا وعذابه..
انت اللى بتغير وتمنع..
وانت اللى بتبدل وتوجع..
وانا بس بتفرج وبسمع..
الحب ناوى تعيد شبابه..
ولا ح تسيبه بترابه..
يعنى تنصف بيه صحابه..
ولا ح تزود عذابه..
سؤال برىء ..عندك جوابه..

انا حبى من قلبى وكيانى..
عشق.. وبكل المعانى..
لكن انت حبك ليه انانى..
عايش لنفسك مش عشانى..
تقدر تقول قدمت ايه..
حبيت وجودى قد ايه..
وان غبت عنك..تعمل ايه..
عقلك شاف الحب خطيئه..
والعواطف مش بريئه..
انما حبى الحقيقه..
دايما يكبر كل دقيقه..
والغرام عمرى وشبابه..
انت قلبك ايه اللى صابه..
سؤال عندك جوابه

 

شكرا لك علي الطرح الجميل
و
علي مجهودك الرائع
الله يعطيك العافيه علي هذا الطرح المميز
في أنتظار كل جديد منك
تحياتي وتقديري

راااااااااااااائع جداا ومميز

سلمت الايادى عالروعه

مجهودك مميز

يعطيك الف عافيه
على الموضوع

انتقاء جميل
سلمتِ ع الجلب
واحسنتِ الاختيار
نترقب جديدكِ المميز
مودتي.