طريقة عمل كفتة الجزر

المقادير:

4 ثمرة جزر مقشرة ومقطعة مكعبات صغيرة
ملعقة كبيرة بقدونس مقطع لقطع صغيرة
ملعقة كبيرة شبت مقطع لقطع صغيرة
ثمرة بصل مقطعة لقطع صغيرة
3 ملعقة كبيرة بقسماط
ملعقة صغيرة نعناع
ملح وفلفل أسود
فص ثوم مفروم
كوب دقيق
بيضة

الطريقة:

1- اسلقي الجزر في ميه على النار، وبعدين صفّيه من الميه واهرسيه كويس وسيبيه على جنب.

2- اخلطي البيضة والثوم والبصل والبقسماط والبقدونس والشبت والنعناع والملح والفلفل الأسود مع بعض كويس لحد ما الخليط يتجانس، وبعدين ضيفي عليهم الجزر واخلطيهم مع بعض كويس.

3- ابدأي شكّلي الخليط على هيئة كور أو أصابع، وبعدين غطّيه بالدقيق، وبعد كده حمّريهم في الزيت، وبعدين ارفعي الكفتة من على النار وحطيها على منشفة ورقية لحد ما الزيت يتصفى، وقدميها.. وبالهنا والشفا.

 

تسلم ايدك وصفه رووووووووعه

يسلموو غاليتى على الطرح القيم
بارك الله فيكى وبمجهوداتك
وبنتظار المزيد من اطروحاتك
تحياتى لسموك
فاادى