يعجبني الرجل الاصيل الشهم عالي الشان

انا يعجبني الرجل الاصيل الشهم عالي الشان
عزيز النفس كسب الطيب عاده ما يخليها

واحب اللي بوقت اللازمه يصهل صهيل حصان
وتعجبنــي ريـاجيلٍ بعيــداتٍ هـقــاويهــــــــا

واحب اللي ليا منه علا في جوه الدخان
يوردها حياض الموت روحه ما يداريها

الا منه قعد سلطان والا منه ركب شيطان
قوي الباس عرب الساس خيله ما يعفيها

واحب اللي ستر وجهه شراه بغالي الاثمان
الا من باعو الشيمه بغالي الروح يشريها

واحب اللي يخاف الله يجيك من العقل رويان
يشيـر بخير واهـل الخير للخيـره يدلـيهـــــا

واحب الشهم ممدوح السجايا صافي الوجدان
الا من جــوه ضيـفـانه على نفسـه يبديهـــا

واعز اللي يهلي بالضيوف ويشعل النيران
وابي قولة هلا من قلب والعشيات ما ابيها

ابي الدله وابي الفنجال ابي الترحيب بالضيفان
ابي جلسة نشـامى راعي المجلس يقهـويها

ابي لي سالفة عدله معاها من الشعر قيفان
تشدك حكمة الاجداد يشدك صوت راويها

ابي النخوه وابي الفزعه واحب مجالس الشجعان
هـل الـعــادات والفزعــات نِـعم لا حــل طاريـهـا

هل الشيمه هل القيمه هل المعروف والاحسان
هل الـتـقـدير والتـأثير واللـي بيض اياديـهــا

واحب اللي ليا جوه النشامى يفتح البيبان
كريــمٍ من قــديم الوقت ليا صكت لياليـهـا

احب المرجله واصحابها واقدر الفرسان
بخيصٍ في معانيهـا قبل لبحث خوافيهـا

واعرف اللي يخوض المعركه لا صار بالميدان
يـمـشـيـهـا علـى رايـه ويـاخذهـا ويـعـطيهــا

واحب اللي سوالفهم ذهب موزون بالميزان
مـهـو خبلٍ يخم السالفـة بعـديـن يخـطيـهــا

واحب اللي رفع نفسه وجنبه مجلس الحقران
حشيـمٍ ما لقـى حشـمـه تـركهـا مــا يدانيهــا

عرف نفسه لزم حده ولا هاين ولا ينهان
الى من زادت اللجه يجنب عن بلاويـها

واحب من الرجال اللي يسمى شمعة الديوان
الا مـنـه تـحـدث كــل كـلـماتــه ينـقـيهــا

ولا احب اللئيم اللي تصيد زلةٍ بلســان
الى منه سمع زلـة رفيقه مـا يغطـيهــا

واحب اللي ليا سوى غلط قال العفو غلطان
حلاة الرجل لا منه جـرح روحن يـداويهــا

ترى اللي يشد في رايه على طول المدى خسران
يـضـيـع ولا يـطيـع ولا بغـاهـا مــا يـلاقـيـهــا

 

وان عجبنى كلامك الى زى الماس
روعة فى الحروف وجمال فى الكلمات
صفات ذكرتيها نبراس عالى
وقلم بين الانامل مطاوعك باوامر
نشكرك على قيم طرحك الرائع
دمتى متالقة
تحياااتى

واحب من الرجال اللي يسمى شمعة الديوان
الا مـنـه تـحـدث كــل كـلـماتــه ينـقـيهــا
ماأجملك حينماتعزفين لنا
عزفاًجميلايطرب قلوبناويشجى
آذاننا..سلمتى وسلم لناقلمك
احترامى

صح لسـآان شآعرهآوإعتلى شـآاان نآقلهآ
أبيآات في قمة الجمآاال
رآااق لي مـآتم طرحهـ بين السطوور

وودي..:"

إبداع في الطرح وروعة في الإنتقاء
بانتظآر جديدك بكل شوق
أكاليل الزهر أنثرها في صفحتك
تحياتى