عسى مازعلتك البارح وزودت الجراح جراح

عسى مازعلتك البارح وزودت الجراح جراح..
عسى مامرت الدمعه على اهدابك من أسبابي..


جرحتك من كثر شوقي وخليت الكلام رمــاح..
ولا أدري شلون ياعمري طعنتك حيل بعتابــي..


بدون شعور صدقني ترى كثر الغلا ذبـــاح..
تعال وشوف بغيابك غلاك شلون سوابـــي..


حرام تغيب من عمري وتعطيني الفراق وشاح..
حرام الدمع في عيني مناديله هي أهدابـــي..


غيابك يشغل عيون الزوايا وأمتلى أشبـــاح..
وأنا انثر صوتك بقلب المكان وأشعل أبوابـــي..


تلفت للأمل دام الرجاء في عمــــري الملواح..
أناديلك ولو شرهة وصولك تقطع أعصابـــي..


أبيك الجاي من عمري أنا ماأبيك شيء وراح..
مدامك أجمل وأخر مدامك أول أحبابـــــــي..



أبي أرتاح ياعمري وأنا أدري هم تبي ترتــاح..
تعال وقبل ماأفرح ترى تفرح بك ثيابـــي..


أحبك يابعد عمر الحزن والجرح والأفـــراح..
أحبك كثر مانامت عيونــك داخل أهدابـــي..