شف ويش منها يتبع احكـاك ورضـاك

ودي بـك وابيـك وابــاك وابـغـاك
جمّعتهـا لرضـاك واخـتـار فيـهـا

شف ويش منها يتبع احكـاك ورضـاك
واللي لك اسقـي مسمعـك لا ضميهـا

غديـت (افر)احكـاي واسايـر احكـاك
وانـا تـشّـرف لكنـتـي واهتويـهـا

مضمونهـا ودي بشوفتـك واهــواك
ياللي دروب اهـل الـردى مـا تجيهـا

صانـك ولـي امـرك وحـبـك وداراك
ولاقــدر ردع الحـظـوظ ومجيـهـا

نفسـك مهذبهـا وعــز الله ربّــاك
مايـدري ان جيـش الهيـام يغزيـهـا

الله قسـم يبـلاك بـي وانـت يبـلاك
باللي سواتـي فـي العـرب يرتجيهـا

محبة (ن ) ذربه مـن القلـب تكسـاك
محبـة (ن) صـدق الهـوى يكتسيهـا

يامـرك قلبـك بالوفـا لـي وتنـهـاك
انس (ن) علـى لامـاك تفـرك يديهـا

رزيـن عقـل ومـن مزايـا مـزايـاك
نفسـك تحـب وعفـتـك تمتطيـهـا

تطيع عقل (ن) مـا بعـد زل واغـواك
مشاعـرك تعصـاه ..وانـت تعصيهـا

ماشفـت منـك الا عيونـك ويمـنـاك
محبـة (ن) راع الـردى مـا يبيـهـا

يقبـض فـوادي لا تخيـلـت فـرقـاك
ياشف عيـن (ن) مـا سـواك يعنيهـا

وياعـزوة اخوانـك ومطلـب هـذولاك
نـاس (ن) محبـة والـدك تدعيـهـا

ناس (ن) تخـدم ابيـك كلـه لعينـاك
وهـو يحسـب ان الله عليـه يهديهـا
ياجعلها تفـدى علـى الارض ماطـاك
والله بمـن هــو مثلـهـا يبتليـهـا

لكـن لعـب فـي ياوليـفـي تـغّـلاك
و نفسي غلاك مـن الصـدود يحديهـا

تبطـي علـي وانـا هنـا واتـحـراك
و كبـدي لواهيـب الصبـر تشتويهـا

واجمّع علومـك امـن هنـاك وهنـاك
وو الله لو انهـا تنشـرى لا اشتريهـا

وعذرك (انا لاهي) يا ويش اللي الهـاك
لااهـي ومر(ن)منـت لاهـي تليـهـا

كانك مشكك فـي الوفـا والغـلا هـااك
جوالـي اقـر القائمـه كــل ابيـهـا

رقمك مع (الصادر) ولا (وارد ) اسـواك
والناس في اللي ( لـم يـرد عليهـا)

وايــاك واياني...وايـانـي ايـــاك
ومن غيبة (ن) من دون عذر يحميها

 

إنتقاءراقى ورائع جدا
بورك فى الأيادى والأنامل
كل التقدير

سلمــــــت يدآآآآك
مجهود رآئع ومفعم بآلجمال وآلرقي..
يعطيك آلعافيه على هذآ آلتميز ..
وسلمت آناملك آلمتألقه لروعة طرحهآ..
ودي لك ولروحك ,,~

يسلمو على الطرح المميز
بارك الله فيكى
وبنتظار جديدك القادم
تحياتى اليكى
فاادى

دمتى بهذا التميز بطرحكِ لمواضيعكِ
ودمتي بحفظ الرحمن ورعايته
تقبلى مروري
مع خالص تقديري

سلمكم الله و حيّاكم بصفحتي المتواضعة
عذبٌ مروركم كعذوبة روحكم و حرفكم
جنائن الورد لطهر أنفاسكم

كالعادة إبداع رائع

وطرح يستحق المتابعة

شكراً لك

بإنتظار الجديد القادم
دمت بكل خير