فمآن الله مآ جاني من احسآس المحبة كود

فمآن الله مآ جاني من احسآس المحبة كود
بعيد الذكريآت اللي تتل القلب واتجره

مدام ان الزمن قفا بزينك يانحيل العود
ربيع العمر خليته صحآري جرد مصفره

تركت الحب بين أمرين لآا ضايع ولآ موجود
أشوف الاولة مره وأشوف الثانية مره

فلآ تطرد ورى قلب'ن تحده من غلآك أحدود
يحآول بس في أحلامه تلاشت وأصبحت عِبره

ولآ تتركني بقلبك ترى عمر الغلآ محدود
على ما جاه بالماضي يخايل شي مآ سرهِ

عزيز النفس مآ يقبل محبة بابها مسدود
ولا يمشي على درب'ن يذل الرآس ويضرِه

شقا عمر الوفا يجني حسآفة جهده المحصود
وعطيب الجرح ياخذ له على ديار الغلا فره

تعبت أسال وش أهدآفك وادور كنزك المفقود
الين أنك كشفت اللي ورآك وطاحت الجّره

وش أبغا في غلآك اللي يجي لاشافني موجود
ترى قلبي ماهو لعبة حسب رغباتك أتفره

غلاك وحبك الوهمي ترآه ليا وصل مردود
معاد أبغاه لآ والله .. وفك القلب من شره

أنا قلبي عليك أبعد من إحسآس الغلآ المقصود
ولا يخطر على بآلك كلمة حبك أتغره

حسافه حب ربيته على حضن الآمل مولود
ونسى فضل الحبيب اللي توفا مآلحق بره

بآمان الله خذ وردك وشعرك والعطر والعود
ولا يبقالك بقلبي علامة وأمسح الجرة . .

 

اختيار جميل
كل الشكر والتقدير

تسلم ايدك طرح رائع

سلمت الانامل ويعطيك ربي العافيه
ع هذا الطرح الرائع والمميز

كل الشكر لك على هاالطرح الأكثر من رائع
الله يعطيك العافيه لا عدمنا هالتمييز والابداع
بأنتظار جديدك الجذاب والمميز
تقــــديري وآحتــرآمي لسموك