فريد الاطرش - اغنية ياحبايبي ياغايبين + الكلمات

يا حبايبي يا غايبين
واحشيني يا غاليين
لو اغمض و افتح
و الاقيكم جايين جايين
يا حبايبي جايين

يا حبايبي من يوم ما بعدنا
و لا شيء في الدنيا بيسعدنا
و لا وردة بتزوق بيتنا
و لا شمعة بتنور عيدنا

يا حبايبي ايامي فداكم
ينساني الفرح و لا انساكم
و الله و كمان و الله
انا صبح وليل
ده انا صبح وليل بستناكم

يالي حياتي عشانكم حزن
وايام اصعب من لياليها
كل جراح البعد قاسيتها
وكل الام الشوق بقاسيها
يا حياة قلبي ياكل حبايبي
ازاي يجرى ده كله لقلبي
والقى الناس كلها حواليا
الا اعز حبايبي

يا حبايبي وحشتوني تعالوا
مطرحكم لسه على حالوا
بستنا يا حلوين
يا حبايبي يا غايبين

لو اغمض وافتح
والاقيكم جايين
يا حبايبي جايين جايين