طال انتظاري

طال انتظاري والوله يحرق اليوف
والصبر ما يطفي من البعد ناري ..
أكتم شعور الشوق وأصارع الخوف
وفي داخلي نهرٍ من الهم جاري ..
أضحك ولحن الحزن بالصدر معزوف
ودمعي حبسته لا يبين انهياري ..
كن الثواني في غيابك لها سيوف
والغمد روحي بالدجى والنهاري ..
من رحت عني بالشقا صرت موصوف
عودٍ تلاعبه سموم الصحاري ..
أخايل اطيوفك وأنا قلب مشغوف
كالحر لي أطلع بعيد الحباري ..
الله يردك يا هوى البال وتشوف
حال المعنا قبل سدل الستاري ..

 

تسلمى ريموو توبيك راااااااائع