ليلاي

ليلاي

كلٍ على ليلاه غنّى و نادى
و انا معا ليلاي اشكي و انادي

حرّك جيش الهم صوبي اتحاده
لكنّ فرقى الخل ما هو بعادي

وضعت همّي فوق همّ الوساده
و فضفضت ما فيني قبل النوادِ

كوتني نار الصّد ، جرحني بعاده
و بشوفة الخلّان يطيب الرقادي

مرت بي الايام و جرحي فزياده
ارتقب صبحك عسى تفهم مرادي

الحزن بُعدك و شوفك سعاده
و لاجل قربك تهون العوادي

كنتي هوى قلبي و كنتي مراده
يصيح باعلى صوت باسمك ينادي

بسمتك في صدري كانت قلاده
لكن نار غدرك حرقت فوادي

اتركت في قلبي مثل السوادة
و نفضت من بعدك باقي رمادي

بذرٍ زرعته شر تجني حصاده
و المشكله لليوم عايف رقادي

درسك تعلمته و خذته شهاده
و من يومها و انا لمثلك معادي