سافرحبيبى وماودعنى

سافرحبيبى خلاص وراح وماودعنى وحتى ماقال سلام

***

مشى فجــــأة ولا كلمنى ولا ســمعت منه حلو الكــــــلام

***

مــاأعرفش إيه اللى زعَّله منى ودى عشرة سنين وأيام

***

داانت كنت حبيبى اللَّى معــــاه بيحـلى الأنس والإنسجــام

***

يامـــا سهرنا سوا وضحكنا وعشنا أجمــــــل أيام الغرام

***

روحى بتناديك حبيبى وعينى بتشوفك فىى السهروالمنام

***

وعشقى لك ماله حــدود وبياخدنى لك الشـــــوق والهيام

***

عشت معـاك أيام عمرى مرت علىَّ بسرعة وكأنها أحلام

***

ياماكان نفسى إنك تفضل فى حضنى ياقمرى يابدرالتمـام

***

مين بس اللِّى قسَّاك علىَّ بعدمــا كان حبنـــا على مايرام

***

غلبت أصـــالح فيك ولكنك حكمت على بأقسى الأحكــــام

***

ولومتنى كتــيرووجهت لى كــلام وجعنى مثل الســـــهام

***

ليــه تحــرمنى من حبك ده كتيرعلىَّ وحتى يبقى حـــرام

***

ماكانش عشمى فيك كده وأنا أعطيتك كل الحب والإحترام
***
مصطفى منصور
3/9/2013