البسطيلة المغربية بالسمك

السلام عليكم ورحمة الله وبركاته




البسطيلة اكلة شهيرة بالمغرب وتحضر في المناسبات الكبيرة خاصة

وباحجام كبيرة.. ومنها اللي يكون بالسمك او بالدجاج

فانا سويت اللي بالسمك بشكل مصغر وحبيت اقدمها لكم وان شاء الله تعجبكن

هي فيها شغل زايد شوي ومقادير منوعة لكنها تطلع جنان ويهون تعبها كله









المقادير لاربعة اشخاص :

نصف كيلو جمبري

نصف كيلو سمك ابيض منزوع الجلد والشوك

نصف كيلو حبار مقطع متوسط

السمك يكون مقطع قطع متوسطة ومبخر لمدة نصف ساعة

نصف كيلو بين كوسة وجزر مبشورين بشر طويل

3 حبات فلفل مقطع صغير

حزمة كزبرة وبقدونس مفرومين ناعم

4 فصوص ثوم مهروس + نصف كاس عصير ليمون

كيس فئة 250 غرام شعيرية صينية

علبة ماشروم ابيض وممكن اسود

250 غرام زيتون اخضر مقطع دوائر

ملح = بهار = كمون = راس ملعقة جوزة الطيب = بابريكا = شطة

كيلو الا ربع ورق سمبوسة دائري



الطريقة :


اول شي نحضر الصوص

ناخذ الكزبرة والبقدونس المفرومين ناعم + عصير الليمون + الثوم المهروس

+ ملح وبهار وجوزة الطيب وكمون وبابريكا وشطة كله حسب ذوق الشخص

ونصف كاس زيت ونخلط الكل ونخليه على جنب.

نروح للخضار المبروشة والفلف نحطها في مقلاة مع شوية زبد ونحمرها على نار هادية

بعد مانشوفها ذبلت نضيف لها ملعقة كبيرة من الصوص اللي حضرنا ونخليها خمس دقايق

كمان ونشيلها.

نجيب السمك والافضل انه يكون مبخر عشان يحتفظ بكل فوائده

نحطه في مقلاة مع شوية زبد وملعقة كبيرة صوص ونخليه 10 دقايق حتى يتشرب الصوص.

نجهز ماء مغلي ونحط فيه الشعيرية الصينية لمدة دقيقتين بس ونصفيها ونقطعها بالمقص.

ناخذ اناء كبير عشان نخلط فيه كل المقادير

نحط الخضار والسمك والشعيرية والزيتون المقطع والماشروم ونضيف الصوص الباقي

ونخلط الكل بطريقة مرتبة حتى ماتنفك قطع السمك.

الحين ناخذ صينية فرن مدورة كبيرة ونجيب الورق ونفرش ورقتين بالقاع

والجوانب نحط عليها ورق بحيث يكون نص الورق داخل الصينية والناص الثاني برى

بعد مانخلص الجوانب نحط ورقة بالوسط ونصب الخليط ونرتبه بحيث يكون متساوي

الحين نبتدي نرجع نص الورق اللي برى عشان يغطي الخليط وبعد مانكمل منه

نحط ورقتين فوقه ونحاول نحشر كل الجوانب الظاهرة تحت ها الورقتين

حتى يطلع شكلها مرتب ودائري.

ندخلها الفرن على درجة حرارة 180 لمدة نصف ساعة

بعد ما نطلعها نزينها على ذوقنا بشرائح الليمون والخس او البقدونس

او الجمبري الملكي اذا توفر.


ان شاء الله تعجبكن وتجربوها