لين أشوفك تنبت وأقرا حروف اسمى عليك

ازرعك في تربة الحفاق ياعمري حروف
لين أشوفك تنبت وأقرا حروف اسمى عليك
وش عليك ان صاب شمسك يوم ياعمري كسوف
دام أنا وفكري وشوفي ونبض خفاقي بديك
في شراييني تمد جذورك وتحيا وتشوف
كل ركن بداخلي كاتب على جداره ( أبيك )
من بعدت الله وكيلك في عيوني صرت أحوف
صورتك واغمض عيوني عليها واحتريك
أرتجي شوفتك واحزاني على صدري وقوف
كل حزن يصبر الثاني ويحلف مايجيك
طافت أيام وبقت ذكراك عيت لا تطوف
وصرت ببلاد الحزن عبر وكنت أنت المليك
أتحسس يا رياح البعد من لا هبك جوف
احتمي به عن سما فرقاك وارجع واحتميك
والمصيبة ماهي بفرقاك والفرقا تلوف
خا ولا غيابك لا غدى موتي وشيك
المصيبةلا وفت يدي وخانتني الكتوف
وصرت أدورني ولا ألقاني سوى في راحتيك
أخنق العبره وأقول ان كل ما راح مخلوف
وأثر ما خلف غيابكغير صورة ناظريك
صرت ألمللملك ضلوعي يوم حرص ويوم خوف
لا تبور التربه اللي ساكنتها وجنتيك
واتعلق في أمل لقياك وامد الكفوف
ولا تصافحها سوى قسوة غيابك واحتريك
وازرعك في تربة الخفاق ياعمري حروف
لين أشوفك تنبت وأقرى حروف اسمك عليك

 

سعيد حيث إني أتجول على ساحل حرفك أتخطى
بين الحرف والحرف أتابع سلسلة أفكارك الراقية
وها أنا أخرج بحصيلة الأستمتاع بحرفك المتوهج
خالص الود مع فائق التقدير

ماذا عساي اقول امام هذا الجمال
طرح في قمة الروعة
بإنتظار ما يجود به قلمك دوما ..
لقلبك الطاهر اعذب وارق تحيه