منتديات حـــبة حــب - عرض مشاركة واحدة

05-31-2012, 07:43 AM

الـــجــزء الخــامــــس

بالجامعه حنين وبشاير باالكافاتيريا 00
حنين : بشاير
بشاير : هلا
حنين بتردد: امممم ياسر منو يحب من الفناني ويسمع لهم
بشاير : هههههااي ياشين اللقافه وانتي شكو
حنين بعصبيه : خلاص يمه منج مجرد سؤال
بشاير : قولي ابي اعرف اخباره ماله داعي اللف والدوران هههااي
حنين تكلم نفسها : اه اه لوتدرين يابشاير ان اخباره اول بأول عندي وودي اعلمج بس عارفه انج اول وحده رافضه هالعلاقه 000
بشاير: يوووه ليتنا ماطرينا اسمه رحتي بوادي الحين
حنين ببراءه : هلا ؟؟
بشاير : صارلي ساعه اتكلم عن ياسر وانتي مو معاي 00
حنين تصرف : انا قلتلج خلاص انتي ماسكتي شسوليج 00
بشاير :ايه هين الا هو الي ماخذ بالج ؟؟هههههههههههاي
حنين : زين واذا رحت شنو فيها ؟؟
بشاير : حنين ترى بجد مابيج تتعلقين بياسر وانا قد مااقدر احاول ان هم ياسر مايتعلق فيج انتي عارفه انج غير وهو غير ماله داعي تلعبون بمشاعر بعض وانتوا عارفين شنو نهايتها
حنين بصوت مخنوق : ايه عارفه وهو حسبة اخوي 00
كيف نخفي حبنا والشوق فااضح
وفي ملامحنا من اللهفه ملامح
عاشقين ونبضنا طفلاً حنون
لو تزاعلنا يسااااااامح
8888888888888888888888888
88888888888888
8888888
في المدرسه
غزل : خلود انا خايفه مدري شراح يصير
خلود : لاتخافين مو انتي تقولين ان ولد عمج وياج خلاص ليش الخوف
غزل : ايه بس مادري انتي عارفه شيبي خالد وهذا الي مخوفني
خلود : لاتروحين الاسعود وياج خبل انت تروحين بروحج
غزل : بس انا متفشله منه وربي متفشله
خلود : هذي سوايج
غزل تبكي : خلاص خلود انا تبت وربي تبت ليش تحسسوني بالذنب
خلود تهديها : عارفه وانا اقول هالكلام لمصلحتج
غزل تمسح دموعها : عارفه انج تحبيني وتخافين علي بس ابي هالموضوع ينتهي عشان ارتاح وتهدا حياتي
خلود : انشاء الله يفرجها ربج بس صج متى الموعد
غزل : اليوم
خلود بخوف : اسمعي انتبهي لعمرج وعلميني موتخليني احاتي تراني خايفه حدي
غزل : انشاء الله وانا اكثر
طق جرس االحصه والكل راح لصفه 000

بيت ابو فيصل 00000
ام فيصل وابو فيصل جالسين بالدوانيه
ام فيصل : وش رايك يابوفيصل نعزم اخوك ترا اخر مره شفناهم يوم العزيمه الي سواها لنا
ابوفيصل: صادقه تدرين ناوي اقولج اليوم اني راح اعزمهم بكره
ام فيصل مستانسه : ايه والله ودنا نجتمع ونسولف ويكون كل خميس الجمعه هنا او عندهم00
ابوفيصل : خلاص اقول لخوي كل خميس يوم عندنا ويوم عندهم
ام فيصل::ياليت وانا راح اكلم ام عبدالرحمن

بيت ابو عبدالرحمن
تركي : يمه
ام عبدالرحمن : هلا
تركي : متى ناوين اتغدون ؟
ام عبدالرحمن : ان شاء الله بس وين عبدالرحمن جاء
تركي: ايه جاء
دخلت غزل عليهم
ام عبدالرحمن : غزل بدلي وانزلي
غزل وهي مضايقه: مالي نفس يمه
ام عبدالرحمن : وش الي مالي نفس ماذقتي شي من امس قومي اكلي بس
غزل : يمه مابي خلاص بالغصب هو
تركي : الاياقليلة الأدب عيب هذي امج يله انقلعي لعطيج كف الحين يلف ويهج
غزل : هيي انت عارفه انها امي بس انا تعبانه شوي بعدين وش جابك عندنا روح مع كومار ونحاشت وهي تضحك ههههههههههههههههااي
تركي وهو يحذفها بالنعله على ظهرها : اقول انتي الي روحي شوفي كيف صرتي عصلى وسمرتي
غزل بألم : اخ اخ عورتني قناص هب عليه
تركي : يله ذلفي بس
ام عبدالرحمن كانت تضحك على سوالف عيالها وراحت للمطبخ 00
دخلت غزل غرفتها ورمت شنطتها على الأرض وفكت شعرها البني وقعدت تشوف ملامح وجهها المليان وطفولي : انا ضيعت جمالي وسمعتي بيدي انا انا ونزلت دموعها بغزاره كانت تحرق وجهها الدموع من حرارتها حست انها جرحت نفسها وكرامتها على الي سوته وش الفايده على الندم الحين لازم اشوف المصيبه الي انا فيها وزادة دموعها
وبعدها تذكرت سعود خلاص دام سعود وياي ليش الخوف الله يهونها ويعديها على خير بعدها قامت وبدلت ملابسها ونامت

بيت ابو فيصل 000
الكل كان مجتمع على الغداء الا امال اكلها يجيها فوق طبعاً
وفيصل كان يناظر بحنين وتحسف على الي سواه فيها (فيصل حبوب مره وطيب بس المشكله امال هي الي تحكم فيه )حنين عارفه اخوها بس ملت من كثر ماتشوفه يبيع الدنيا علشان وحده ماتستاهل وحده الحقد ملى قلبها والكره والطاغي على قلبها وبزياده مغروره بقوه ولو لاحظ فيصل يلقى انه احلى منها بكثير يعني جميل وكل شي فيه حلو بس امال من كثر ما تقوله انت شين تعقد وحس انه صدق شين
نواف : حنين ابيج بعد الغداء
حنين : وليش ان شاء الله
نواف : ابي اتأكد من جوابي بالأمتحان
حنين تضحك: خلاص امتحان وامتحنت شتبي بعد الي فات مات
نواف : عارف بس ماارتاح لين اتأكد اني جاوبت صح
حنين : اوكي ولا تزعل
ام فيصل : سعود شفيك ماتاكل
سعود : هاه لايمه بس مالي نفس
ام فيصل: لايكون تعبان بس
سعود : لايمه بس شبعان وانا الحين بروح انام
راح سعود لغرفته وكان يفكر بغزل وش راح يصير عليها اليوم وش راح يسوي اذا ماجاب خالد الأشرطه والمشكله اذاكان ناسخهم اكثر من مره واشياء كانت دور بتفكيرسعود لين نام
بعد ماتغدت وتبي تقوم لأن ماكان فيه على السفره الا هي وفيصل
فيصل: حنين انا اسف
حنين : لاعادي انا الي اسفه
فيصل : بس امال كانت توها راده من المستشفى وقالتلي انها راحت تحلل تشوف هي حامل ولالا لأنها كانت شاكه بس طلعت مو حامل ويوم قالتلي انكسر خاطري وزياده على كذا جت سالفتج وعصبت وماقدرت امسك اعصابي
حنين: فيصل ترى تو ماصارلك سنتين من تزوجة اصبر وربك يفرجها ان شاءالله
فيصل بحزن : اخ ياحنين شلون انا مشتاق اني اشيل طفل واضمه وابوسه وكل ماشفت عيال اخوياي احس قلبي يتقطع
حنين: ان شاءالله عن قريب ربي يرزقك وماتدري يافيصل يمكنها خيره
فيصل : يمكن وان شاء الله يفرجها ربي
راحت حنين لغرفتها وهي محزنه على اخوها وزاد همها هم كلام بشاير وحست
ان الدنيا ظلمت بعيونها حتى اقرب انسانه لها ضد حبهم 000
قعدت حنين تبكي بحسره والم وحست ان حب ياسر سراب كل ماقربت له ابتعد 00
اه ياربي ليتني ماعرفت الحب ولا جربته ليتني ماشفتك ياياسر وظليت لاهيه مثل اول
فجئه وكأن قلبها يذكرها بشي 00
ايه صحيح ياسر يحبني ومستحيل يستغني عني وهو الي بدى بحبه وزاد من حبي له
قطع عليها صوت المسج 00
ابي اوصفلك مدى حبي ولكن خانني التعبير
واعبر لك عن اشواقي ولكن جتني العبره
عن اكبر حب بالعالم عجز حرفي عن التصوير
تعدى حبي لك لشخصك حدود العالم بأسره
محبه بصدق ياعمري ولابه نية التزوير
حبيبي الله لوتعرف غلاك بقلبي ياكبره
اكبر من غلا ام لطفل مبتدي
غلاي اكبر وبك يكبر واحسه عايش التطوير
يزيد في قلبي ويملك ميزة العشره
غلاك اكبر من اني يوم اخطه بحرف وتسطير
وحبك وصل بقلبي سنام المجد والشهره
كان المسج من ياسر شافته حنين واستانست وهذا اكدلها ان ياسر ماراح يستغني عنها بكل سهوله, ياسر حنين بالنسبه له هواه وحياته وروحه حنين من فرحتها بكت وبكت وارسلتله
احبك كثر الناس وكثر البشر وكثر الخير
وكثر مابالصحاري رمال وكثر مافتحت زهره
وكثر مابالبحر ماي وكثر مابالسماء طير
وكثر ماجتني طيوفك ومعهن زانت السهره
وكثر مابالسمانجمه وكثر ماللفشل تبرير
وكثر ماللفرح بهجه وكثر ماللحزن جمره
احسك تسري بدمي وحبك مايبي تفسير
حبيبي ااااه لوتعرف مدى تاثيرهالنظره
احبك ليش مااحبك وارفض مبدأ التغيير
ياسر قرى المسج وماقدر يستحمل ودق على حنين , دق تلفون حنين وردت
حنين : الو
ياسر : هلا والله
حنين : هلا فيك
ياسر : شخبارج
حنين : تمام وانت
ياسر: دامني اسمع صوتج انا بخير
حنين : دوم يارب
ياسر : يدوم عزج , حنين المسج كلام ولالا
حنين : وانت
ياسر : لا هذا طالع من كل قلبي
حنين : وهذا من اعمااق اعماق قلبي
ياسر مستانس: الله لايفرقنا ياحنين
حنين : امين يارب
ياسر : شلون الدراسه وياج
حنين : بصراحه مدري من يوم كلمتك وانا مالي خلق لشي
ياسر: لاعاد حنين مابيج تصيرين كسلانه والسبه انا لا حنين الله يخليج ان كنتي تحبيني
ابيج تجتهدين
حنين : ان شاء الله بس انت لاتلهيني
ياسر يضحك: هههاااي ماراح الهيج بس بغثج
حنين تضحك: هههاااي عادي غثني
ياسر : حنين متى اخطبج ؟
حنين : مو الحين خلني اخلص الدراسه وبعدين اخطبني
ياسر : يعني اخاف احد ياخذج مني ثم اموت
حنين تضحك: لا ماراح اوافق الا عليك انت وبس غيرك لالا
ياسر : لبى قلبج والله
حنين : تسلم
وجلسوا حنين وياسر سوالف وضحك

قامت مختلعه من النوم وقعدت تركض ودور نعلتها وتلبس وبسرعه راحت مع السايق
بعد ماقالت لأمها انها بتروح لصديقتها خلود
انزلت من السياره بسرعه وركبت مع سعود الي كان مثل حالتها بالظبط
سعود : خذي هذا وابيج تسحبينه بالحكي
غزل : شنو يعني اسجل كل كلامه
سعود : ايه يله
غزل :وان شافه شراح يصير
سعود : ماراح يشوفه لأنه بملابسج
غزل : وانت وين راح تكون
سعود : غزل الخسيس ماراح يلمسج فهمتي ماراح ان شاء الله اذبحه بس ماراح يلمسج
غزل : اوكي زين مو انت علمت الشرطه
سعود: ايه وهم يبون دليل ومافيه الا انج تسجلين كل شي
غزل : اوكي بس كذا الناس راح تعرف واصير علك بحلوج الناس
سعود : يخسى الي يتكلم فيج بعدين انا ماسويت هذا الشي الا لأنه ماراح يضرج لأن رفيجي هو المسؤل وانا قلتله مابي فضايح وهو قال ان شاءالله
راحت غزل لخالد الي كان ينتظرها على احر من الجمر
غزل : السلام
خالد :وعليكم السلام
غزل : بالأول جبت الأشرطه
خالد : ايه بس شفيج بعيده قربي مني عشان ماتنحاشين
غزل : لوابي انحاش كان ماجيت بالاساس
خالد وهو يطلع الأشرطه : هاج ويله تعالي
غزل : مانسخت شي
خالد : لايله تعالي
غزل : طيب شتبي مني ليش تهددني
خالد : اهددج لأني ابيج 0000
غزل بصدمه : شنو لامافيه
خالد وهو يقرب منها ويبي يضمها : مافيه تعالي
غزل بهذي اللحظه صارخت بأعلى صوتها : اااااه سعووووود
جاها سعود يركض وكان معه الشرطه اول ماشاف غزل بحضن خالد وهو يمسك خالد وطق فيه00
وقعد يضربه الشرطه خلته يضربه عشان يتأدب خالد وبعدين يوم شافوا الدمان على وجهه
فكو سعود عن خالد الي كان غرقان بدمه
غزل كانت منهاره وكانت تبكي وترجف من الخوف جاها سعود ومسكها وقعد يهديها
بعدها الشرطه مسكت خالد بتهمة التهديد ومحاولة اغتصاب وكان فيه دليل
غزل وهي تمسك سعود تكفى تكفى مابي احد يدري بسواد وجهي تكفى ياسعود
سعود وهو يهديها : غزل والله ثم والله محد يعرف هالسالفه الا انا وانتي بس انتي لاتبجين , حست غزل بدوخه وطاحت بس مسكها سعود وشالها وحطها بسيارته 000
حست غزل بادين تلامس خدهاا وفتحت عيونها ولقت سعود 00
قامت بسرعه وقالت : شلي صار ليش انا معك
سعود : لاتخافين بس اغمى عليج شكلج ماكلتي شي
غزل : هااه ايه
سعود : طيب دامنا افتكينا من هالمصيبه ليش مانحتفل وانا عازمج على العشاء
غزل : ليش خلاص ماراح انفضح
سعود : انا بعد مااغمى عليج خليتج بالسياره ورحت وكلمتهم ومحد يعرف منو انتي ولااي شي عنج
غزل ببتسامه حلوه : مشكورياسعود وماتقصر
سعود ببتسامه احلى : لاماسويت الا الواجب ياغزل بعدين يله انا عازمج
غزل : كم الساعه الحين
سعود : 9 ليش ؟
غزل : تأخرت انا قايله لامي اني راح ارجع 9
سعود : طيب قبل ماتروحين راح اشتري عشاء لج ولي لأني ماكليت شي
غزل تبتسم : اوكي

بيت ابو عبدالرحمن
الكل كان مجتمع
ابو عبدالرحمن : اسمعوا ياعيال ترى عمكم عزمني على العشاء عنده بكره ووصى عليكم
عبدالرحمن : انشاء الله بس يبى دامنا بكره عنده شرايك تفاتحه
تركي يضحك: ههاااي وتقول عني انا المستعجل اشوفك انت الي صاير اعجل مني
الكل يضحك : هههههههههههههههههههههاي
ام عبدالرحمن : ايه ياناصر وليش ماتقوله بكره
ابوعبدالرحمن : انا الحين شقايلك ياعبدالرحمن مسرع نسيت قلتلك ان البنت لك وماراح احد ياخذها غيرك ان كانت من نصيبك ياولدي
علي : اصبر ياخي توك صغير ولاحق على عوار الراس والهم
عبدالرحمن معصب : شعليكم مني كيفي ابي اتزوج وبسرعه بعد يحوول
الكل ضحك على عبدالرحمن :ههههههههههههههههههههااي
عبدالرحمن : انا قلت شي يضحك اجل خلاص مابي اعرس ولا احد يقولي اعرس
تركي : لاتكفى اعرس والي يرحم والديك
دخلت عليهم غزل وهي مستانسه وودها تقعد وياهم من زمان وهي فاقده جمعتهم عقب الي صار لها المسكينه
غزل : السلام عليكم
الكل :وعليكم السلام
عبدالرحمن معصب: غزل من وين جايه هالحزه ؟؟
غزل بخوف : هاه انا كنت رايحه لخلود صديقتي كان عندها جمعت بنات
عبدالرحمن : طيب وليش مادقين علينا وقلتي انج راح طولين تدرين كم الساعه الحين
غزل : انا قايله لامي وبعدين الساعه كم ؟
عبدالرحمن : وبعد ماتدري كم الساعه ,الساعه 10 وزياده يالحلوه ومحد يرد هالحزه الا الهايت 00
غزل وهي تروح لبوها : شفت شفت يبه شيقول عبدالرحمن عني يقولي هايته في احد يقول لأخته جذي
ابوعبدالرحمن : خلاص قالتلك مع صديقتها خلاص ليش الصياح
عبدالرحمن : يبه الله يخليك انت ماتعرف سوالف هالبنات الحين
غزل ماتبي ابوها وعبدالرحمن يتهاوشون : خلاص اسفه وماراح اتعودها مره ثانيه واذا سويتها سو فيني الي تبي
عبدالرحمن : اسمعي طلعه مافيه الا بستأذان مني فهمتي ورده هالحزه هذي اخر مره
غزل : ان شاء الله والله مااطلع الاوانا داقه عليك
ام عبدالرحمن : غزول تعالي اسمعي
غزل : هلا يمه
ام عبدالرحمن : بكره عمج عازمنا تجهزي
غزل فرحانه : والله وااو بشوف حنون وربي لها وحشه
عبدالرحمن سمع اسمها وفزقلبه على طول ونسى انه معصب على غزل ,عبدالرحمن :طيب غزل قومي بدلي وتعشي واجلسي معنا من زمان مو شايفينج
غزل : ياسبحان الله يالتني طريتها من زمان اذا اسلوبك كذا 00ههههههههههااي
عبدالرحمن : فديتها والله 00
الكل : ههههههههههااي
تركي : من جد والله انك عاشق ورايح فيها
غزل : ماالومه يحق له
عبدالرحمن : يابعد حيي والله ياغزوووول 00
راحت غزل لغرفتها اول مره تحس انها مرتاحه مافي شي ظاغط على قلبها شي يخليها ماترتاح اه اه ياسعود جميلك عمري ماراح انساه لك طول عمري 000
ثلاث حروف تاسرني
وتاسرني بمعروفك
ملكت الروح في ظهرك
وصرت الليل ومراحه
نقشت الشين شوق العين
وحرف الواو بوصوفك
وتوجته بحرف القاف عذاب القلب والراحه
888888888888888888
777777777777
8888888
777
88
7

بيت ابوفيصل 00
دخل سعود البيت كانت الساعه 12
سعود : شكل الكل نايم خلني اروح لغرفتي احسن ,شوي دق تلفونه
سعود : هلا والله
عبدالمحسن: السلام عليكم ورحمة الله وبركاته
سعود: هلا والله وعليكم السلام
عبدالمحسن: هاه شخبارك الحين
سعود: لا الحمدالله لولا الله ثم انت كان الفضيحه وصلت لديره كلها
عبدالمحسن: شدعوا ماسويت شي وهذا واجبنا يالغالي وانت تستاهل كل خير ياسعود
سعود : والله ماانسى معروفك ووقفتك وياياي يالغالي
عبد المحسن : تسلم يالله اخليك انا بس كنت ابي اطمن , مع السلامه00
سعود : لاهنت مع السلامه 00
سكر سعود من عبدالمحسن واغلق جواله وراح لغرفته وخذاله حمام ولبس بجامته وانسدح على السرير
وقعد يتخيل غزل اه ياغزل حرقتي قلبي يوم شفتج بحظنه وحسيت ودي اذبحه ليش مادري يمكن عشانها بنت عمي ولا لأني احبها واموت فيها
ياحلات عيونج ياغزل وملامح ويهج البريئه اه ياغزل اه اه
احبكك لين ماتوفي جنون العاطفه لرضاك
واحبك لين ماتغفى عيون الحب في قلبك
حياتي لوهي الدنيا مساحه تبعد فلقياك
لاسير خاطر الدنيا واعيش العمر في قربك
احبك ايه اعرفها بمضمون الغلا ترقاك
احبك ايه وانا اللي تهت فدنيتي عقبك
انا مامل منطيف اذا كان الوفا مبداك
وانا مامل من قلبك احس نبضي هونبضك
88888888888888888
77777777
888
77
8

بيت ابو عبدالرحمن 00
ام عبدالرحمن تنادي غزل
غزل :نعم يمه
ام عبدالرحمن : قومي يله مابقى شي على المغرب يله عشان تلبسين للعشاء
غزل : ان شاء الله يمه
قامت غزل وبدلت ملابسها ولبست وتكشخت اخر كشخه ونزلت تحت لأمها
غزل : يمه
ام عبدالرحمن : هلا
غزل : شرايج
ام عبدالرحمن : حلوه شحلاتج قمر 14
غزل : ههههههااي مشكوره مام
ام عبدالرحمن : شفيج مستانسه
غزل : لأني بشوف حنون
بعدها راحو لبيت ابو فيصل
777777777777777
88888
77
8

بيت ابوفيصل 000
ام فيصل : تسلمين ياحنون ماقصرتي صلحتي هالحلويات
حنين : يمه لاتقولين كذا يعني هذا الواجب
امال تناظر بنص عين : الله يخلي بيبي لولاها كان ضعنا
حنين : تكلمي عن نفسج
امال : اسكتي بس صدقت انها فنانه كلها كم حلى على سلطه كأنهامسويه شي
ام فيصل: اصلاً حنون هي الي طابخه الذبيحه الله يرزقها انشاءالله
حنين : امين يارب عاجلاً غير اجل
ام فيصل تضحك : ههههههههااي ياعوبج ياحنون
امال :من زمان
حنين تضحك: والله ابي اغير جو مليت من المشاكل ابي اريح عمري
بعدها دخلو عليهم غزل وام عبدالرحمن وسلموا على بعض وجلسوا سوالف وضحك
بالدوانيه 0000
ابوفيصل: اخبارك واخبار شغلك
ابوعبدالرحمن : والله الشغل ذبحني مراجعين وشغلات ماتخلص
ابوفيصل: الله يعينك
ابوعبدالرحمن :امين
علي :سعود امس وينك ادق ومغلق الجهاز مسوي نفسك مهم شسالفتك
سعود : هاه امس ايه كنت تعبان
علي : افا وانا شغلتي غير انك تفضفضلي وتريح عمرك
سعود يضحك: حلوه افضفض هههههههااي على شنو افضفضلك
علي : افااا زين جاملني يلعن خيرك
سعودوهو ميت من الضحك :هههههههاي ان شاء الله عمي
عبدالرحمن : فيصل شفيك ساكت
تركي : يمكن احد ماكل لسانه ههههههاي
فيصل: ياثقل دمك ياخي
عبدالرحمن : والله انه غاثني بالبيت
تركي : انا ماغثيت الا كومار المسكين ههههههههههاي
قعد فيصل وعبدالرحمن ضحك وتمصخر على تركي
نواف : تركي تراك مثل حالتي
تركي : لاعاد احلف
نواف : والله عشان كذا سلكة طريق الثقافه والكتب من الفضاوه
تركي : والله شكلي بصف معك وقعد كل المجلس ضحك على نواف وتركي
88888888888
8888

غزل وحنين كانوا جالسين مع بعض وكل وحده تسولف على الثانيه
غزل :يالبخيله ليش مادقين علي يعني عندج تلفوني ليش ماتكلميني
حنين : لاوالله من الكبيره انا ولا انتي
غزل : خلاص بدق واغثج الحين سولفي علي
حنين سولفتلها عن الجامعه
غزل : عقبالي اخلص اخر سنه وادخل الجامعه
حنين تضحك: وانتي شخبارج
غزل تضحك:ماعندي اخبار لاصارت عندي اول من يدري انتي
حنين: بروح اشوف المطبخ تجين ولاماتبين
غزل : الا محلاني جالسه لحالي امشي بس
راحت حنين وغزل للمطبخ يجهزون العشاء
غزل : مشاءالله حنون كل هذا انتي مصلحته
حنين :ايه شرايج
غزل : وربي روعه فنانه مشاءالله عليج
حنين : تسلمين ياغزول يله انا بنادي سعود يودي الأغراض
غزل : اوكي
راحت حنين ونادت سعود وكانت غزل ناسيه تلفونها راحت بسرعه للمطبخ عشان تاخذ تلفونها قبل مايجي سعود ودخلت المطبخ و يوم صارت بنص المطبخ كان قدامها سعود من الصدمه ماقدرت تتحرك
سعود : بيبي وين باقي الأغراض والحلويات
بيبي: هنا, مدام غزل وين حلويات
غزل مصدومه وماتبيه يلتفت
سعود التفت وشاف غزل وجهها بوجهه
غزل ماشالتها رجولها بس يوم طاحت عين سعود بعيونها الحلوه حس بعمره وطلع بسرعه اما غزل كانت رايحه فيها خلاص كل يوم تموت فيه وكل يوم يزيد حبه بقلبها وخذت تلفونها وطلعت بسرعه من المطبخ 00000000
بعد العشاء راح ابوعبدالرحمن واهله
وكانت حنين وسعود جالسين مع بعض
حنين : شفيك سعود منت طبيعي
سعود : هااه لا ليش
حنين : لا فيك شي قولي
سعود : تبين الصراحه
حنين : ايه
سعود : انا احب غزل بنت عمي
حنين : شنو ؟؟ متى هالكلام
سعود : لا يروح تفكيرج بعيد بس انا شفتها وعجبتني بس ودي فيها
حنين : تبي الصراحه غزل بنت ولااحلى عسل واخلاق وطيبه
سعود : يعني اكلم ابوي
حنين : شفيك طاير اصبر شوي لين تخلص البنت الدراسه وبعدين يحلها ربك
سعود : اوكي شورج وهداية الله
حنين تضحك : يعني من الحين انت عاشق هههههههههههااي
سعوود : لاتلوميني هههههههااي
888888888888888
777777777
7777
88
7

بيت ابو عبدالرحمن 00
عبدالرحمن : يمه عمي عنده طباخ ولاطباخه
ام عبدالرحمن : ليش
عبدالرحمن : لا بس مشاء الله العشاء والحلويات كل شي اليوم روعه
غزل : هذا طبخ حنوون
عبدالرحمن : لاعااد تعرف تطبخ
غزل : ايه والله بس مشاءالله عندها نفس على الأكل
ام عبدالرحمن : وليش ماتصيرين مثلها
غزل : انشاءالله راح اتعلم بصراحه غرت
عبدالرحمن : ههههههههااي لابعد بتغارين لاصارت عندج
غزل : لاعاد انا وحنون واحد ماراح يفرقنا احد
عبدالرحمن: بس لاصارت مرتي انا بخليها ماتعطيج وجه
غزل : اتحداك اصلاً حنون غير عن كل البنات
عبدالرحمن كل يوم يحس حبه لحنين يزيد وينتظر اليوم الي تصير فيه زوجته على سنة الله ورسوله
يالي جعلت عروق جسمي لك دروب
والقلب بيتك والصدر لك مدينه ورموش عيني لطيفك
اضلال نبنوب ومرتع خمايل تحتضن ياسمينه
قبلك ويومي يمر وماهوب ماحسوب ومن بعد شفتك
قلب حسب سنينه ياوالله الي كانه مامر رعبوب
بعدك بدرب هجوس شاعر وعينه لوغبتي في قلبي
صحى الف شاعور وبين الحنايا يحترق من حنينه
واتنفسك واطعمك في قوت ومشروب واسمع صدى صوتك
بصدري رنينه لو ابذره قلبي نبت صدري قلوب
وجميع قلب لشاعرك تسكنينه وترى الربابه
الى بكت حزن مسحوب القوس حركها بجرت ونينه
وكم من شمعدان على صدره تذوب شمعه ولا يدري
وترقد حزينه

&&&&&&&&&&&&&&&&&&&&&&&&&&&&&