الموضوع: رواية شفت الحبيبه عرض مشاركة واحدة

05-31-2012, 07:51 AM	#12
نائب الاداره بيانات اضافيه [ + ]  رقم العضوية : 7  تاريخ التسجيل :  Jul 2011  أخر زيارة : 12-10-2021 (09:57 PM)  المشاركات : 38,198 [ + ]  التقييم :  10  الدولهـ  الجنس ~  MMS ~  SMS ~ لوني المفضل : Fuchsia	&&الجــزء الــثــامــن && ؛؛ رحــيـــل ؛؛ صافرة تنبأ باقتراب الموعد .. والمغادرون حقيبه .. وذكريات .. وبقايا تحمل الدموع .. فاي رحيل يكون وبالذكريات انـا سجيــــن .. وتعود تلك الصافرة المزعجـه .. فإلى الرحيل الكاذب ^ ^ ^ ^ منسدحه على سريرها وتبكي كانت منهاره وقلبها يعورها حست بشي غريب شافت نفسها بالمرايه غزل: ليش ابكي ليش احس اني متضايقه ليش؟؟ دق جوالها على نغمة سواها قلبي اركضت وشافت اسمه تنهدت براحه وردت بكل لهفه وشوق : هلا قلبي بس ملامح وجهها قلبت لما سمعت صوته 000:اختي تعرفين صاحب الرقم غزل بخوف: ايه ليش 000:صاحب الرقم بالمستشفى وياليت يكونون لاهل عنده غزل كأن احد طعنها بقلبها طعنه قويه حست بألم بقلبها خلت دموعها ورجفتها تزيد طلعت غزل تركض من البيت ماتدري وين والا هي وش كانت تسوي كل تفكيرها انشل وقلبها كان كله مع سعود وطول الطريق كانت غزل تدعي لسعود انه يكون بخير وبين كل دقيقه تحس ان دموعها تزيد وقلبها يعورها كانت خايقه ان سعود يتركها ويروح ماتبي تتركه هذا حب حياتها وصلت غزل للمستشفى كانت تركض بالاسياب كانها مجنونه كانت تلتفت يمين ويسار ادور سعود مجروح او تعبان بس مالقته راحت عند الاستقبال ودلوها لغرفته كانت تسحب رجولها بكل حزن وخوف فتحت الباب بتردد تتمنى ان الغرفه غلط وسعود مو هني بس اول ماطحت عيونها على سعود حست ان روحها ردت لها اول ماشافته رمت غزل نفسها على حضن سعود كانها طفله ادور على الحنان كانت منهاره وتبكي ماتبي تشوف سعود بهالوضع وكان سعود غرقان بدمه حست بيد تمسح على شعرها رفعت راسها وشافت سعود مبتسم لها ابتسمت من بين حزنها والمها وهي تشوفه بكل حب غزل بصوت مرتجف: جعل الي فيك فيني ياقلبي سعود وهو يحط ايده على فمها ويتكلم بصعوبه : لاتقولينها ياحياتي هذا قضاء وقدر غزل تحس بطيبته ماستحملت بكت: سعود لاتخليني سعود انا احبك تكفى لاتخليني ياقلبي لاتخليني لاتخلي غزولتك بروحها وانهارت تبكي سعود بضعف : قلبي وحط ايده على قلبه شفتي هذا مانبض الا لج وماراح ينبض لغيرج ولو علي والله مااتركج دقيقه وحده غزل وهي تقرب من سعود: ان شالله تقوم ياسعود بسلامه وانشالله انها ازمه وتعدي سعود بحزن: قلبي بذكرج بشي وهو انج اول حب بحياتي واخر حب لاني احس هذا يومي غزل زادت دموعها لما حست ان سعود يروح منها وبيتركها قربت منه حيل وكانت تحس باانفاسه الحاره تحرق وجهها : لاتقول كذا ياسعود لاتتركني انت واعدني يا سعود لاتتركني وتروح سعود وهو يمسح دموعها بيده : غزولتي اوعديني ابيج توعديني قبل مااموت غزل وهي تمسك ايده: سعود لاتقول اموت تراك تحرق قلبي فديتك لاتقولها سعود وهو يحط ايده على ايدها : ابشري بس اوعديني ياغزول غزل ودموعها تزيد تحس بدفئ ايده : اوعدك ياعيوني اوعدك سعود بالم : ابيج توعديني انج تنسيني وتعيشين حياتج لو صارلي شي غزل وهي ترجف من البكى : اوعدك بس صدقني اقولها لك وهي مو من قلبي لاني مااقدر اعيش بدون روحي وانشالله مايصير الي تقوله وتقوملي بسلامه سعود ودمعه تخونه: تذكري ياغزول اني حبيتج من كل قلبي وحب ماحبه احد مثلي واني لامت اعرفي ان قلبي وياج غزل حست ان جسمها كش عليها من كلمات سعود ماتدري شقد اثرت هالكلمات عليها طاحت بحضن سعود وامسكته بكل قوتها وقالت بصوت حزين : انا وياك بالحلو والشين ياسعود وان مت انا بكون ميته بنظري ومااتوقع اني راح اقدراعيش على فرقاك وراح اتبعك لاني احبك واموت فيك لاتيأس ياسعود تكفى لاتيأس ربك كريم ياسعود تكفى لااطري الموت انت بتقوم انشالله سعود وهو يضمها لصدره ويتنهد: والله انج بقلبي واني احبج احبج احبج ولاابي فرقاج كان يتكلم بصعوبة الفرقا والم الجروح الي فيه كانت لحظة هدؤ بين غزل وسعود لحظة كل واحد يفكر بثاني شراح يصير عليه لحظة تخللها الخوف والشوق والهفه لحظة حنين ولحظة حب ولحظة انين ودموع ووداع اما غزل الي كانت ماسكه ايد سعود وحاطه راسها على صدره وتمسح دموعها الي بللت صدر سعود وقلبها الي تحس انه متقطع من الحزن مع حالة حبيبها وروحها وكل حياتها وهي ماتقدر تسوي له شي وماتحب انها تكون بهالموقف تكون متفرجه بس ماتحب تكون كذا تبي تضحي عشانه تبي تعطيه روحها تتمنى لوهي مكانه تبي تكون بداله بس للأسف ماتقدر وهذا قضاء وقدر اما سعود الي كان مستانس انه شافها وملى عينه منها قبل ماياخذ الله امانته وكأن الله استجاب دعاءه له وحقق اخر امنيه له بحياته انه يكون معها وبهالحظه تكون واقفه معه وجنبه وحس انها راح تتألم بعد فراقه وهذا الي مقطع قلبه وخانته دموعها ونزلت على وجهه رفعت غزل راسها وشافته يبكي مااستحملت انها تشوف دموعه مسحتهم بيدها بكل رقه وحب وهي تبتسم من بين حزن : حبيبي ماتهون علي دموعك اذا لي غلاه عندك تكفى ماابي اشوفها وابيها تكون اخر مره حست هالكلمه طلعت عفويه حست بكرهها لهالكلمه( اخر مره)بكت وقعدت تشاهق مااستحملت فكرت ان سعود يموت شد سعود على يدها وقال بكلام متقطع : ااااحبج وابيج تعيشين حياتج من بعدي واعتبريني ذكرى حلوه بحياتج غزل وهي تحط ايدها على سعود: حياتي معك وماراح تكون ل( تبي تقول لحد غيرك) حط ايده على فمها ماخلاها تكمل سعود بأنين : انتي وعدتيني وابيج قدها ياغزولتي هذي امنيتي لاتحرميني اياها امتلت عيونها بالدمع غمضت وتنهدت تنهيده طويله: اه اه اه صعبه افكر بغيرك والله صعبه ياحبيبي صعبه افكر ان حياتي تكون مع غيرك صعبه احد يمسك ايدي غيرك يلمسني غيرك ويضمني غيرك اكون بحظن غير حظنك صعبه والله صعبه وانهارت تبكي سعود وهو يشوف غزل بحب وحزن حس انه غلط لما حبته حس انه حرمها كل شي بس شاف بعيونها الحزن والانكسار وهذا الي مايبي يشوفه فيها ماتهون عليه كانوا يتبادلون النظرات والخوف كان اساسها كانوا خايفين يفقدون بعض لانهم صارو روح بجسد واحد غزل بحزن : سعود لو انا مكانك وقلتلك انساني راح تنساني ولا لا سعود بصوت مخنوق ومتقطع : ماراح انساج لاني مااقدر لكن ياحبيتي انتي صغيره و انا احبج وابيج تعيشين حياتج بي او بدوني ولاتنسين انتي وعدتيني وابيج قد الوعد لان الحياه ماتوقف علي لاالعمر قدامج ياغزول عيشي حياتج لحظه بلحظه وخليني ذكره حلوه بحياتج مو تصيرين اسيره بالحزن والهم ياقلبي اذا تحبيني عيشي حياتج ياغزولتي غزل وهي تمسح دموع سعود عرفت ان سعود صعب عليه يفكر ان غزل مع غيره بس لانه يحبها ويخاف عليها قالها هالكلام : احبك ولاني احبك بكون قد وعدي بس ابيك تعرف انك خليت حياتي معك جنه وعشت احلى ايام عمري وكل يوم اسمع فيه صوتك احمد ربي لانك وياي وانشالله ياقلبي تقوم لي بسلامه ونكون بيت واحد ومايفرقنا احد مسك يدها وباسها : ماغلطت يومني حبيتج ياحياتي قلبي كان يشوف اشياء فيج ماكنت شايفها غزل غاصت بحظن سعود وبصوت هادي قالت احبك ياسعوووود الدموع كان كلامهم وقررت انها ماتبعد عن حظنه ابداً ******************* ليت ربي ماكتب لحظة وداع ولافراق ولادموع ولاضياع ليت كل الناس خل مع خليل وكل ماقيل النهاية بين الاحباب الرحيل قلت احبه حيل لو يوقف لحظة الفرح الزمان والمكان عيونك انت احلى مكان في يدي يديك والحاسد ذليل وان غدت كل الاماني في يدي ابتدي مع كل لحظة تبتدي اعشق الدنيا مثل طير جميل اه ياحلو الامل والذكريات والسعادة ماتجي بالامنيات صبحها يبطي وانا ليلي طويل كل ماادفن خيالك ياعنيد تمطر الدمعة وينبت من جديد شفت وش سوى بي الحب الاصيل لونويت اعاتبك القى الكلام يعتذر لي منك ويلوم الملام والقى حتى كلمة احبك قليل كنت اهدد بك همومي والارق كنت انت النار وهمومي ورق لين صرت اليوم همي المستحيل ياللي طيفك يملي دايم مدمعي قلي ليه وانت معي منت معي لو تجاملني تسوي بي جميل من يقول الحب بسمة ماتفوت لو يحب يشوف كم مرة يموت في الجفا وقبل الجفا وبعد الرحيل **************** في هذي الحظة مر على سعود شريط حياته كل شي حلو وشين اخر صوره مرت عليه كانت لغزل اول ماشافها كانت اخر مامر عليه من شريط حياته ابتسم وتشهد ونتزعت روحه لخالقها مات سعود بين انظار حبيبته الي حست بيد سعود موشاده عليها مات سعود قدام عيونها مات حبها وماتت كل احلامها معه وكل لحظه حلوه ماتت معه غزل صارخت بااعلى صوتها: سعود سعود قوم لاتخليني قوم تكفى قوم مالي حياه من بعدك قوم ياقلبي قوم ياسعود لاتخليني بروحي قوم لاتخليني ياكل حياتي تكفى قوم قعدت غزل تهز سعود تبيه يتحرك وهو كان جثه هامده حست انها بحلم مو بالواقع قــــوم تكفى كانت تبكي وتشاهق من البكى والحزن حست بقلبها يتقطع حست بحراره وبحرقه بقلبها مسكت وجهه بيدها وهمست باذنه وهي تبكي : سعود تروح وتخلي غزولتك تروح وتخليها سعود انت كل شي بحياتي انت صرت لي الام والاب والاخ والحبيب سعود انت فرحت حياتي ماشفت مثلك بحياتي ماشفت مثل طيبتك وحنيتك ماشفت شهامتك ورجولتك سعود انت نادر والمفروض تكون موجود عشان تخلف ناس مثلك ليش الطيب ماله حظ ليش الطيب مايعيش ليش ليش ليش سعود ارجع لاتخليني انا بدونك جسد بلا روح تكفى سعود قوم قوم انهارت غزل بحضن سعود وكانت تبكي بكل حرقه والم كانت تنتظر ان سعود يمسح على راسها بس للأسف سعود مات وماراح يمسح على راسها زاد بكها وصراخها دخلوا الدكاتره وحاولو يبعدونها لكن غزل كانت ظامه سعود ماتبي تتركه تبي تروح معه أي مكان و مكانت تبي تتركه بس كانوا اقوى منها وشالوها صاحت بحزن : لالالالاتبعدوني عنه خلوني معه سعود احبك احبك لاتتركني تكفى حاولت تبعدهم عنها : خلوني معه ابعدوعني مالكم شغل فيني تكفون خلوني اودعه تكفون تركوها وركضت لسعود الي كان على السرير وحوله الدكاتره باست غزل سعود من راسه بقوه نزلت دمعه من دموعها على خد سعود وضمته وقالت بصوت مخنوق ليتني مكانك ياسعود الله يرحمك ياحبيبي ابعدوها عنه وشافتهم وهم يغطون وجهه الي كان منور ومبتسم \ / \ / \ / ياأغلى حب في قلبي وياعينـي قوم كلمنـي قـوم يـاروحـي تـكلم قوم ياعيني لاتمازحني وتبكيني قوم ماعدت أقوى على شوفتك تّألم ولاعدت أكابر حـــب سكن فيني أحــبـك موت وقلبي بات مغرم بادلني إحساسك الصادق هات كفك هاك يميني عسى منك ماخلىوأعدم سولف عن أيامك وأسولف عن سنيني بسك سكوت شف الناس وش تكلم تقول الخلايق مات ونظراتهم تواسيني قوم كذبهم عواذلنا أو قول إني أحلم كيف تموت وترحل ووحدي تخليني كيف قبل أحكي حبي لك وعنه تعلم في وفاتك يموت الورد في بساتيني وحتى الكون بعد عينك وصوتك أظلم في وفاتك يضيع العمر وتتوه عناويني لا ولايعني لي ثغر ضاحك أو تبسم ارحمني أرجوك جف دمعي بشراييني قم داوها جروحي شوفها مالها بلسم ^ ^ ^ ^ ^ الصدمه شلت غزل وكانت تبكي ومنهاره وحست بروحها بتطلع من بكها غزل حاولت توقف بس ماقدرت توقف حاولت وحاولت بس رجولها مو قادره كانت منهاره ودموعها ماوقفت وكل مالها تزيد وكل ماتذكرت شكل سعود وهو يلفظ انفاسه الاخيره قدام عيونها وقفت وصارخت بأعلى صوتها سعــــود مامات سعـــود حي حي اغمى عليها وجاها الدكتور وقعد يصارخ على الممرضات عشان يشيلونها خذا الدكتورتلفون سعود وقعد يدور بالاسماء ولقى (الوالد)دق عليه وقاله يجي للمستشفى ضروري بهالحظه دخلوا ابوفيصل وام فيصل وحنين وكانوا خايفين شافت حنين غزل لانهم مرو من عند غزل الي كانت طايحه وشالينها بالسرير بس الخوف والربكه ماخلتها ادقق اوتتأكد انها غزل ابو فيصل بخوف: خير انشالله يادكتور الدكتور بملامح حزن : انتو عارفين ان سعود سوا حادث ام فيصل وحنين بشهقه: شــــنـــو وينه الحين ابو فيصل : اسكتوا خلوني اشوف هاه وينه يادكتور الدكتور بملامح الحزن: سعود عطاكم عمره حنين صرخت:لالا الا سعود الا عزوتي لالالالاوانهارت تبكي وضمت امها المصدومه ومو مصدقه اي شي صار وتذكرت حلمها عن سعود يعني سعود مات انهارت مع بنتها وقعدو يبكون على سعود اما ابوفيصل جلس على اقرب كرسي وقعد يمسح دموعه بطرف غترته الي ماوقفت على ضناه وولده الغالي والحبيب الي عمره مارفع صوته على ابوه ولاعصى له امر بكى على حب ولده وطيبته بكى لانه مات ولايمكن يرجع قال بصوت متقطع يحاول يهدي زوجته وبنته : ان لله وان اليه راجعون ام فيصل ترحميله مايصير الي تسوينه انتي وبنتج بس ماقدر يحبس دموعه الي نزلت على مفارق اغلى عياله حنين منهاره ولاكانت تدري شتقول : سعود مـــــــــــات عـــزوتي اخوي الي ماعمره سوا شي مايعجبنا سعود الي طول عمره حنون وطيب سعود الحبيب مــــــات وماتت كل امالها واحلامها بالحياه ماتت وياه انهارت ماتقدر تفكر بحياتها بدونه الي كان بالنسبه لها صندوق اسرارها والي كانوا اكثر من اخوان كانت ماتخبي على سعود شي وهو مايخبي عليها ماقدرت روجلها تشيلها جلست على الارض منهاره من البكى والحسره وضمت وجهه بيدينها اما ام فيصل كان الميت ولدها وحبيبها وابر عيالها ولدها الي عمره ماقالها اف ولا عصاها ولدها الي دوم يصبح ويمسي عليها بالحب والحنان ولدها الي مايقصر معها بشي ولدها الي لاشافها تبكي يروح لها ويرسم الابتسامه على وجهها ولدها الي دوم يقولها الله "لايحرمني منج "الحين انحرم منها وانحرمت منه بكت بكى يقطع القلب على سعود وقامت وهي تمسح دموعها بكفها شافها ابوفيصل واستغرب : على وين ام فيصل بحزن: ابي اشوف ولدي ابي اودعه قامت حنين تركض لمها : وانا بعد ابي اروح وياج ابو فيصل بأسى كلنا بنروح نشوفه بس خلني اعلم فيصل عشان يشوفه ويانا ام فيصل بعصبيه: انا مااقدر اصبر ابي اروح الحين ابوفيصل : خلاص روحي انتي وحنين وبعلم فيصل والحقكم بس راحو حنين وامها وهم يسحبون رجولهم بحزن والم بعد ماخبر فيصل راح يبي يشوف ولده بس الدكتور مسكه الدكتور : لوسمحت اخوي ابو فيصل بحزن: هلا الدكتور : لوسمحت فيه وحده كانت مع المتوفي اتوقع اسمهاغزل ابوفيصل مصدوم: شنوغزل شفيها الدكتور: جاها انهيار عصبي ابوفيصل بخوف: انهيار لاحول وينها الحين يادكتور الدكتور : تفضل معي شاف ابوفيصل غزل وقعد يبكي تذكر فرحتها لما خطبها لسعود وفرحت سعود (طبعاً هو كان مكلم اخوه وخطبوا غزل لسعود )تنهد على هالمصايب الي تتحذف عليهم من كل صوب اول مادخلوا شافوا شخص مغطى من راسه لحد رجوله قربت ام فيصل من سعود وامسكت الشرشف وكانت متردده وتتمنى انهم غلطانين وانه مو سعود الميت افتحت وشافت سعود المبتسم وجهه منور وتذكرت ابتسامته بالحلم وحست بحسره لوانها قامت ومنعت سعود انه يداوم كان ماصار الي صار، كانت حاسه انها بتفقده لو كلمت "لو" تفيد كان فادتها نفظت افكارها ورضت بقضاء الله وقدره قربت من سعود وباست خده الناعم وابتعدت بسرعه وهي تبكي هذا ضناها ودلوعها مات بكت وهي تدعيله بالرحمه اما حنين بكت وهي تشوف حالة امها بكت لانها تعرف غلاة سعود عند امها بكت لان سعود تركها تواجه حياتها بنفسها سعود الي وعدها مايتركها تركها سعود الي مات وماتت معه كل احلامها مات الي تسولف معه مات الي يضحكها ويواسيها مات الي يساندها بمحنتها مات الطيب ضمت حنين سعود وقعدت تبكي على حالها بدونه وكيف راح تعيش بيت مافيه سعود بيت فيه بكل زاويه ذكرى لسعود كيف كيف كيف؟؟ &&&&&&&&&&&&&&&&&& &&&&&&&&&&&&&&&&&&&&&&&&&&&&& &&&&&&&&&&&& بالكليه *** فهد : شفتوا الحادث وربي ان جسمي كش علي الله يكون بعون اهله علي : ايه والله حتى انا كش علي جسمي لدرجه ان قلبي الحين مقبوض مدري ليش فهد : صادق انا مااحب اشوف الحوادث ياخي ترحم صاحبها يايموت يايتكسر علي : فكنا من هالسيره والي يرحم والديك فهد : خلاص قفلنا السالفه علي : الا سعود وينه ماجاء فهد: لاماجاء علي : مو معقوله اكيد انه بالكليه فهد : دق عليه شوف وينه علي : المشكله من الصبح ادق عليه مايرد قلت اكيد انه بالمحاضره مادري شفيه فهد : مااتوقع انه بالكليه لانه لو موجود كان شفته لازق يمك بكل مكان وانتوا ويا بعض كيف يداوم ولا يجيك علي : اعوذ بالله قل مشالله لاتحسدنا الله يجمعنا ولا يفرقنا فهد يضحك: هههههههاي مشالله بعدين عيني بارده ياعلي علي : واضح اقول خلني اشوف سعود وينه والله كلامك خوفني دق علي على سعود اكثر من مره ولا رد علي : شفت مارد مادري شفيه فهد : يمكن زعلان ولاشي علي : هيه انت من جدك يزعل علي امس شحلاتنا انا وياه فهد :اجل ياخي تلقاه نايم الحين امش خلنا نلحق على المحاضره علي : يمكن ليش لا وهم بطريقهم لقاعة المحاضره دق تلفون علي : هلا عبدالرحمن بصوت مخنوق : هلابك علي: شبغيت عبدالرحمن متردد: هاه علييتخف دمه : وجهعاه ,,ههههههاي وش عندك داق علي مو من طبايعك عبداالرحمن : تقدر تجي البيت الحين علي بخوف : ايه ليش في شي احد صايره شي عبدالرحمن بحزن: لاجيت بتعرف علي بخوف: قولي شفيه عبدالرحمن بعصبيه: اقولك لاجيت بتعرف سكر علي من عبدالرحمن وهو في قمة الخوف والقلق فهد : خير شصاير علي وهو يبتعد عن فهد : خير انشالله اعتذرلي للدكتور فهد : ابشر وعلمني لاتخليني افكر فيك علي: انشالله راح على وشاف عبدالرحمن واقف قدامه ونظراته حزينه راح لعنده : شلي صار عبدالرحمن وهو يمسك ايده: امش معي للمستشفى علي : المستشفى الله يستر وش فيه يارجال عبدالرحمن : خلاص امش راحو علي وعبدالرحمن للمستشفى وطول الطريق علي كان ساكت الخوف شل كل تفكيره توقع ابوه فيه شي امه اخته اخوه كان يفكر منو الي بالمستشفى وعند مدخل المستشفى التفت على علي عبدالرحمن : منو الي بالمستشفى عبدالرحمن وهو يمسح دمعه نزلت غصب : سعود عطاك عمره علي حس ان الدنيا ادور فيه وحس انه موبالواقع ولاشعورياً هلت ادموعه الي ماوقفت من الصدمه حس ان قلبه فقد نصفه فقد خويه ولد عمه فقد سعود بكى وضم ايدينه على وجهه وصار يبكي بكل قهر وحسره وقرب من الجدار وضربه بيده باقوى ماعنده من قوة الضربه نزفت ايده دمان بس ماحس بألمها قد ماهو متألم من خبر وفاة الغالي صرخ وقال الاسعود الا سعود لالالالا سعود مامات قولي انك تكذب علي تكفى ياعبدالرحمن قولي انه حلم لاتقول انه مات لاتقول وكان يبكي وهو منهار عبدالرحمن حزن على اخوه وقرب عنده وضمه وكان علي يرتجف وهو يبكي على اخوه وصديق دنيته على الي معاه كل الوقت ,, بكى على روحه بكى على كل لحظه كان سعود معه وعلى كل لحظه راحت وماكان فيها سعود بكى وبكى لين حس ان قلبه تقطع من البكى عبدالرحمن وهو يهديه : ترحمله قل ان لله وان اليه لاراجعون مايجوز على الميت الا الرحمه علي وهو منهار : ان لله وان اليه لاراجعون الله يرحمك ياسعود يالي عمري ماشفت منك كلمه تجرح ياالطيب وزاد بكاه وحزنه والمه مسك ايد عبدالرحمن : ابي اشوف سعود عبدالرحمن بحزن : انشالله حس عبدالرحمن بشي لامس ايده واف لقى الدم ماليه ايده وايد علي علي خلنا اول شي نداوي جرحك وبعدين نروح لعمي وعياله علي وهو يبكي ولاهمه جرحه : اه ياعبدالرحمن جرحي هذا يهون ولا الجرح الي بقلبي امش بس خلنا نروح ابي اشوف سعود تكفى عبدالرحمن : علي شفيك بس حط على الاقل شاش مايصير الي تسويه يله امش راح عبدالرحمن وكان وياه علي الي كان يمشي بحزن ودموعه فاضحته داواه الدكتور وكان علي مستعجل ومعصب الدكتور :ماتشوف شر وانتبه على نفسك قام علي بدون مايرد لان باله ماكان مع الدكتور عبدالحمن تدارك الموقف : الشر مايجيك يعطيك العافيه دكتور مع السلامه علي : يله ياعبدالحمن عبدالرحمن يله خلنا نروح لعمي وعياله الحين ونواسيهم راحو وشافوا فيصل منهار ونواف وابوفيصل وام فيصل وحنين كلهم منهارين وسلموا عليهم وراح علي للغرفه الي فيها سعود وشاف سعود وانهار ماستحمل يشوف صديقه وولد عمه بهالمكان سلم عليه وكان وده يكون مع سعود للأبد في الحياه والموت بس ماكل مايتمناه المرء يدركه مسك ايد سعود البارده وتذكر حياتهم مع بعض من يوم كانوا صغار لين هالحين وهم لحظه بلحظه مع بعض لدرجه ان ربعهم كانو يحسدونهم على جلستهم ويقولون لهم ماتملون من بعض مايدرون ان الحب والصداقه خلتهم مايملون ابداً بس الحين سعود تركه ومايعرف كيف راح يعيش بدون سعود بعد هاليوم المشؤم طلع من الغرفه وعيونه متنفخه من البكى رفعت حنين راسها شافت علي منهار حست ان علي مثلها واكثر وهم اكثر ناس فقدو سعود لان كان قريب منهم حيل عبدالرحمن كان يطالع بحنين وقلبه يتقطع عليها وده يسوي لها شي كان وده نها ملكه عشان يوقف معها ويواسيها وده يضمها وده يمسح دموعها وده يقولها لاتبكين لان كل دمعه تطلع من عيونج تقتلني وده وده وده والحين وبهالظروف مايدري كيف راح يساعدها حست حنين بنظرات عبدالرحمن الي مالها أي تفسير عندها وتجاهلته لان حنين كان ودها ان ياسر حبيبها معها بهالموقف ويواسيها ويضمها ويمسح دموعها ويهون عليها بس مين يواسي مين هو وين وهي وين كل واحد مهموم وغرقان بحزنه ابوفيصل : يله ياام فيصل خلوني اوديكم البيت ماله داعي جلستنا هنا ام فيصل وهي تبكي: مشيانا وقبل لايطلع مسك عبدالرحمن على جنب وعلمه عن حالة غزل بعدها طلعوا من المستشفى ورجعوا للبيت ماعدا فيصل الي كان يراجع بأجرات اخوه عشان يدفنونه بسرعه اما علي وعبدالرحمن ردو للبيت وعلى وجيهم الحزن والهم على الي صار بسعود واختهم &&&&&&&&&&&&&&&&& &&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&&&&&&& بيت ابو ياسر*** بشاير : استغفرالله ياربي شفتي يمه ام ياسر : خير شفيج بشاير : دعاويي استجابت على حنينوه ام ياسر : شنو شصاير بشاير: ربي انتقم لي منها وخذا اغلى ماتملك ام ياسر : انتي شفيج تتكلمين بالالغاز تكلمي عدل بشاير : اخوحنين سعود مات ام ياسر بصدمه: ان الله وان اليه لاراجعون لاتشمتين يابنتي بشاير بعصبيه: شنو اتشمت ماتشمت هذي حوبتي عليها وحوبت ابوي الله يرحمه ام ياسر: يابنتي ترى البنت ماسوت شي عشان تقلبين عليها بشاير : شنو كل هذا وماسوت شي موتت ابوي وضيعت اخوي وتقولين ماسوت شي قعدت تلعب فيه لين خلته مايستغني عنها ام ياسر: يابنتي استغفري ربج هي بعد تحبه وتموت فيه ولو ماتحبه ماجت ذاك اليوم عشان تواسيج انتي واخوج بشاير بقهر: شنو تدرين انها جايه تتشمت فينا والحين ربي بلاها بس انا ماراح اتشمت بس الي ابيه منها تترك اخوي ام ياسر: واذا تكرته اخوج يقدر يتركها بشاير : بزوجه الي تخليه ينساها وينسى عمره بعد ام ياسر : مامنج فايده طول عمرج متهوره وغبيه بشاير : خلاص انا متهوره وغبيه وعاجبني بس الي ابيه منج يايمه انج ماتقولين لياسر عن وفاة سعود اوكي ام ياسر : ليش عسى ماشر بشاير : الحين ماتبين ولدج ينساها خلاص سوي الي اقولج عليه ام ياسر : لاحول الله يهداج يابنتي لادخليني في مصايبج بشاير: ماعليه اما خليتها تكره الساعه الي تعرفت فيها علي مااكون بشاير ام ياسر: يابنتي خليها الي فيها مكفيها بشاير تسكت امها: ابشري من عيوني وراحت غرفتها وهي تتوعد وتنتقم من حنين &&&&&&&&&&&&&&&&&&&&&&&&&&& &&&&&&&&&&&&&&&&&&&&&&&&&&&&&&&& &&&&&&&&&&&&&&&& بالمستشفى *** شافته يضمها ويحبها ويبوسها ويقولها احبج احبج مسك ايدها وقعد يركض وكانت تركض ورااها وهي مبسوطه وكانت تشوف شعره الي يطير مع نسمات الهوا ضمها بقووه وقعد يدور فيها وهو يقول باعلى صوته احبج ومااقدر اعيش من دونج ردت عليه بضحكه حلوه خلته مايقدر يوقف طاح وطاحت جنبه قالتله حياتي بدونك ولاشي احبك يابعد عمري واموت فيك قعدو يتأملون بعض وقعد يلعب بخصلات شعرها البني ويشوف عيونها الحلوه وفمها الصغير قرب من عندها حيل وقالها عمري انتي وعدتيني تغيرت ملامح وجهها وشافته يروح ويتركها ويقولها لاتنسين وعدج وراح وهو يركض ركضت وراه وهي تصيح باعلى صوت سعود احبك تكفى لاتخليني تكفى سعـــــــــود فتحت عيونها وشافت ممرضتين يهدونها قعدت تصيح وزاد صياحها لالاتتركني لالاتخليني انا بدونك ولاشي ولاشي كانو ماسكينها وكانت تحاول تقوم تلحق على سعود وتصيح لاتتركني تكفى سعود احبك احبك لاتخليني بهالدنيا بروحي لالالا مسكوها عدل وعطوها ابره مهدئه وجلست اتمتم بصوت كل ماله يهدى وينخفض سعود احبك لاتخليني لاتخليني لاياحبيبي &&&&&&&&&&&&&&&&&&& &&&&&&&&&&&&&&&&&&&&&&&&&&&&& بيت ابو فيصل *** كان كل الي بالبيت كئيب وحزين ومحد له نفس ياكل او يشرب وكل واحد منطوي بغرفته ويبكي على فرقا سعوود حنين طلعت من غرفتها وراحت لغرفت سعود دخلتها وجلست تتأمل الغرفه ودموعها ماوقفت لحظه وحده شافت كل شي على حطة سعود قبل مايموت فراشه مو مرتب وكتبه مبعثره والاب توب مفتوح وملابسه مرميه بكت بأنين وااااه بهالحظه وهي تشوف اخر منظر لخوها رمت نفسها على سريره وقعدت تصيح وتشم ريحة عطر سعود على مخدته وكأن سعود موجود عمر ريحة عطره ماراح تنساها اه ياسعود الحين كيف ابدا حياتي بدونك كيف اقدر اعيش بدونك كيف كيف؟؟ وقامت تضرب بالمخده ورمتها بعيد شافت شي كان تحت المخده فتحته ولقته مذكره احلى لحظاتي فتحته وهي تمسح دموعها وقرت اهداء لغزولتي اول ماقرتهم زاد بكها وقالت نسيتج ياغزل كيف حالج الحين ضمت الكتاب بصدرها وهي ماتدري شتسوي فيه هل تعطيه لغزل ولاهذا بيعذب غزل اكثر بكت ماعرفت شتسوي حست كان احد ناداها تدخل الغرفه عشان تلقى الكتاب بكت وحست بالتعب ياكلها سكرت الغرفه وقالت للخدامه انها مادشها ابداً وتخلي كل شي مثل ما ترك الغرفه سعود قبل مايموت راحت لغرفتها وهي كلها حزن واغلقت تلفونها وانسدحت ودموعها ماوقفت ولاحست بنفسها الا وهي نايمه من التعب والهم والحزن &&&&&&&&&&&&&&&&&&&&&&&&&&&& &&&&&&&&&&&&&& &&&&&& فيصل بحزن : امال حياتي لااوصيج ابيج تكونين واقفه مع امي ماابي مشاكل اوكي امال وهي تصطنع الحزن: ابشر ياقلبي وتمسح دموعها بس عشانك ياقلبي فيصل وهو يبتسم ابتسامه حزينه: تسلمين ياقلبي يله انا بروح لدوانيه عند ابوي والله انه مقطع قلبي امال وهي تمسك ايد فيصل : عظم الله اجرك وانشالله الله يعوض امك وابوك كل خير فيصل وهو يمسح دموعه : اجرنا واجرج وانشالله لاجانا ياهل لاسميه سعود وغيره لا امال حست بالخوف: هاه لاحقين يا قلبي شجاب هالموضوع فيصل بحزن: لاتقولين لاحقين انا انشالله بعد اسبوعين باخذج المستشفى واشوف امال وهي تهديه: ابشر بس الحين خلنا بخوك ياقلبي لاتنسى انه توه ميت فيصل:: اه ياسعود والله اني فقدتك يله انا نازل مع السلامه امال : مع السلامه فديتك والله يكون بعونكم &&&&&&&&&&&&&&&&&&&& &&&&&&&&&&&&&&&&&&&&&&&&&&&&& جالس على البحر ويشم نسيم البحر ويشوف العيال الي يسبحون ويضحكون كان يفكر كيف يكون حياته ويبتدي من جديد حس انه مقصر مع اهله وانه من وفاة ابوه ماصارو يشوفونه من الشغل للبيت وينام ويقوم ويطلع مايجلس معهم ولايقابلهم مايدري شصار وهو على هالحال كل الي يعرفه انها منقص بحقهم ولازم يتعود على انه صار المسؤل عنهم وان ابوه مات ومستحيل يرد مسح دموعه وابتسم وقعد يتمشى على الشاطئ بس الي قهره حنين اخر مكالمه لها كان يوم وفاة ابوه والحين وهي كاشته فيه ليش ماوقفت وحتى العزا ماحضرت وش صار فيها زعل وقال ماراح اكلمها وخلها هي الي اتكلم لان الغلط منها مسك قلبه وقال راح اقسيك عشان محد يدعس عليك وراح مع افكاره الي كانت ادور عن حنين وحياته &&&&&&&&&&&&&&&&&&&&& &&&&&&&&&&&&&&&&&&&&&&&&&& بيت ابو ياسر *** دخل ياسر للبيت وشاف امه واخته جالسين سلم عليهم وجلس وياهم عشان يشوف اخبارهم من زمان عن امه واخته ياسر : كيفج يمه شخبارج ام ياسر : الحمد الله ياولدي بخير الله يسلمك الا انت شخبارك ياسر: تمام وانتي يابشاير شخبارج واخبار الجامعه بشاير مبسوطه: تمام والجامعه متفهمين وضعي وحالتي معطيني عذر ياسر : حلو الا بقولج ماجتكم حنين ولاكلمت ام ياسر توها بتتكلم الا بشاير قاطعتهابكذب : لا وحتى بالجامعه يوم شافتني وقومي وصدي عني مادري شفيها قلبت ياسر : يمكن ماشافتج بشاير : وجهي بوجها مادري شفيها لاوبعد حتى العزء ماحضرت والمفروض أهي اول الحاضرين ياسر معصب: صادقه بهذي حتى انا زعلان عليها بس خل نشوف شعذرها ام ياسربطيبه :: كل غايب وعذره معه ياولدي وفكونا من هالسيره وخلونا نوسع صدرنا وجلسوا سوالف وضحك وكل هالجوا عشان يخفوفون عن انفسهم شوي ويحاولون يتأقلمون على الوضع بدون اب وبدون اساس وعامود بيت &&&&&&&&&&&&&&&&&&&&& &&&&&&&&&&&&&&&&&&&&&&& بيت ابو عبدالرحمن*** تركي حزين: لاحول ولاقوة الابالله هذا ثاني يوم للعزاء وفيصل حده متأثر هو وعمي ابوعبدالرحمن : أي والله ان قلبي مع اخوي والله انه يكسر الخاطر الله يصبرهم عبدالرحمن : امين والله كل ماشفتهم ذكرت ذاك اليوم يوم شفتهم اني قعدت ابكي من بكاهم قطعوا قلبي وغير كذا ان سعود غالي عند الكل وخاصة علي الي منهار وصاك على عمره الغرفه ومو ناوي يفتح ويكلم احد او ياكل ولايشرب تركي : امي وينها طيب عبدالرحمن : راحت من شوي لغزل تركي : ياويل قلبي على غزول الله يقومها بالسلامه عبدالرحمن : ايه والله توها صغيره وحالتها حاله ابوعبدالرحمن بحزن على حالة بنته: الله يعين مادري من وين تحذف علينا هالمصايب وجلسوا وهم كل واحد يمسح دمعة الثاني بكلمه وبحنيــه اما علي الي كان يبكي وهو يشوف صورته هو وسعود يومنهم مصورين عند البحر ومتماسكين والبسمه زايده وسامتهم كان يشوفها ويبكي وبعدها يضحك ويبكي ويضحك وهو على هالحال كل ماتذكر سوالف سعود يوم كانو بسادس ابتدائي كانوا جالسين بجنب بعض وسأل المدرس علي سؤال علي توهق ماعرف كيف يجاوب جاء سعود فتح الكتاب وقعد يأشر على الاجابه بس علي ماقدر يقرا من الخوف وسعود يأشر لين صاح وقال الاجابه وبعدها كل الصف قعد يضحك على حماس سعود مايبي انه يكون احسن من علي يبي يكون هو وعلي واحد ومتساوين ضحك علي من بين دمووعه والمه على سعود وحبه وبكى لما تأكد انه راح يعيش بدون سعوود لحظات الحزن ماتنتهي تجي فجئه وتختفي فجئه اه اه اه كم قالها علي على فرقى سعود &&&&&&&&&&&&&&&&&&&&&&& &&&&&&&&&&&&&&& &&&&&&&& بالمستشفى *** ابوعبدالرحمن : الحمدالله على سلامتج ياحبيتي غزل بنظرة حزن: الله يسلمك يبه ام عبدالرحمن وهي ماسكه غزل وتمشي وياها: حبيبتي ابيج تاكلين ترى الدكتور موصي عليج ولا بتردين المستشفى غزل بخوف: لالالا يمه ماابي ارد المستشفى ابي اجلس بالبيت ام عبدالرحمن: اجل اسمعي كلام الدكتور غزل : انشالله يمه, بس قبل مانرد البيت ابي اشوف حنين ابي ازورها ابوعبدالرحمن: حياتي الحين انتي تعبانه خليها بعدين غزل بأْصراار : لايبه ابي اشوفها ماشفتها من يوم (ماقدرت تكمل الكلمه وصارت تبكي صعبه عليها تصدق ان سعود مات صعبه) ام عبدالرحمن بحزن: خلاص يابنتي بنمرها عشانج بس غزل ووهي تضم امها وتصيح : مشكوره بعد ماطلعوا من المستشفى راحوا لبيت ابوعبدالرحمن دخلت غزل للبيت الي كانت تتمنى تكون فيه بس صاحبه مو موجود باي صفهتعيش فيه بكت وهي تمشي وتتذكر سعود بكل ركن بالبيت شافتها ام فيصل وبكت تذكرت سعود يومنه يقولها زوجوني غزل راحت غزل وارتمت بحضن ام فيصل وصاروا يبكون بالويل فكتهم ام عبدالرحمن وكانت جالسه تمسح دموعها وتهديهم غزل بحزن: خالتي وين حنين ام فيصل تبكي: والله من يوم ردينا من المستشفى وهي مسكره على روحها ولاتبي تاكل ولاتشرب روحيلها يابنتي وواسيها غزل بنفسها من يواسي من هي تواسيني ولاانا اواسيها راحت وهي تحاول تمسح دموعها الي زادت يوم شافت غرفة سعود الي ياما تحلمت انها تكون فيها وهو وياها تنهدت ودقت الباب على حنين حنين بعصبيه: قلتلكم ماابي اكل غصب الاكل خلاص تركوني غزل بصوت مخنوق: حنين انا غزل حنين اول ماسمعت اسم غزل ركضت وافتحت الباب وضموا بعض وجلسوا يبكون سكرت حنين الباب وجلست حنين تسأل غزل : وينج يوم العزء غزل بحزن: لاتذكريني تكفين حنين بخوف: خير عسى ماشر غزل تبكي: انا كنت مع سعود يوم وفاته شهقت حنين : شنوو!!!!!! وبلحظه تذكرت ايه انا لمحتج في المستشفى بس ماانتبهت حيل غزل تبكي : شفته وهو يموت قدام عيني ياحنين شفته وماقدرت تكمل كلامها وصارت تبكي وتأتئ حنين وهي تضمها وتبكي : بس ياغزل قطعتي قلبي بس ، لا تبكين فديتج بسج بكى والي يعافيج غزل زاد بكها : اه اه تكفين قوليلي كيف اعيش بدون روحي كيف قوليلي تعبت وانااسأل نفس هالسؤال ولالقيتله جواب حنين تهديها وتمسح دموعها: لوتدرين ياغزل بأخر شي قاله سعود غزل وهي تبكي : سعود ماخلى شي ماقاله لي بس انا مومصدقه انه مات مااصد ق سعود حي ياحنين حي وجلسوا يبكون بحزن والم على فرقى شخص حبوه من اعماق قلوبهم حنين وهي تتذكر : أي غزل قبل لاانسى غزل بخوف: شنو راحت حنين وفتحت درجها وطلعت منه دفتر بس كان شكله حلو ومرتب: خذي هذا الدفتر غزل بحزن : ليش؟؟ حنين وهي تبكي : هذا لسعود وكاتب فيه اهداءات لج غزل حست بصدمه : من سعود !!! حنين :خذيه وسوي فيه الي يعجبج بس احسه لازم يوصلج وانا اول ماشفت مكتوب عليه اهدء لج ماحبيت افتحه وقلت لازم يوصلج غزل خذت الدفتر والخوف والربكه والحزن على ملامح وجهها خذته وضمته وبكت وتنهدت اه الله يصبرني على فرقاك حنين حست براحه يوم عطت غزل الدفتر حسته امانه وماقدرت انها تخبيه عن غزل عشان ماتزيد الامها رجعت غزل للبيت وهي منهاره ودخلت غرفتها ورمت نفسها على الكنب وصارت ماسكه الدفتر ومتردده وخايفه تفتحه ولالا حست انه مو وقته تشوف الي فيه وخلته بالدرج وصكت عليه وماتدري متى تملك الشجاعه وتفتحه وتقرا كل حرف كتبه سعود جلست غزل تقلب بسرير ماقدرت تنام لانها طول اليوم دموعها ماوقفت وكل لحظه تذكرها مع سعود تزيد دموعها وحاولت تنام بس ماقدرت قامت وفتحت الدرج تبي تقرا كلام سعود مسكته وقررت تفتحه بس اول ماقرت اهداء لغزولتي انهارت ماقدرت تشوف شفيها ردته لدرج وقررت ماتفتحه ابداً انسدحت على سريرها وغمضت عيونها وتخيلت سعود معها تنهدت تنهيده فيها الكثير من الالم والحزن ^ ^ ^ اقترب مني / \ \ / \ ** اقترب مني وضمني إلى صدرك الدافئ ** * اقترب مني فرائحة عطرك تغريني * ** اقترب واجعل أنفاسنا تتخالط باسم الحب والاه آه آه ** * اقترب وخذني بعيدن حيث لايوجد سوانا * ** اقترب ولا تفارقني ** فانا محتاجة لك أيها الحبيب !! فكلما اقتربت زادت نبضات قلبي ولعاً وشوقاً ## وكلما اقتربت تهمس لك شفتاي بالحب ## **اقترب فمااجمل أن نكون قريبين ونسمع دقات قلوبنا ** خذني حبيبي للبحر فالبحر كتب للعشاق!!! اجعلنا نتراقص تحت ضوء القمر المنير## واجعل صوت الأمواج وقفزات الأسماك موسيقانا ## وجعلنا ندخل عالم الرومانسية في لهفتن ووله ## ** اجعلني أنام على حضنك وداعب خصلات شعري ** * لامس خدي الناعم وخذ من احمر شفتاي بعد تقبيلي * ** اقترب مني حبيبي وجعل لحظتنا أجمل اللحظات ** ## اقترب حبيبي مني فاني مشتاقةٌ لك (( مااجمل ابتسامتك ومااجمل وسامتك)) ** فقد ملكت قلبي واستوطنت روحي** ليتني حبيبي أصحو واراك بجانبي!!! / \ / / ليتني أراك حبيبي ليتني أراك / \ / \ آه منك 000000 وااااه من أحلامي بكت وهي تتخيل سعود معها وضامها ولا يقدر على بعادها مثل ماهي موقادره تتأقلم على الحياه بدون سعود ضمت نفسها وماحست بروحها الا وهي نايمه مر شهر وكان شهر كئيب وثقيل على الكل لانه كان سحابة حزن ومصايب والم وفرااق يـــــــــــتبع>>>>>>>>>>>>>>>>> بيت ابوفيصل *** حاولو يتأقلمون بدون سعود بس ماقدرو وكان كل واحد منهم يغلط بسم سعود او وين سعود واول مايقولونها يجلسون يبكون كانت هذي حياتهم خلال هالشهر كله حنين وهي تكلم غزل : تكفين غزوله تعالي اليوم تكفين غزل بحزن: ياربي ماابي اجي غصب تعرفين انا صرت اول مااشوف بيتكم ابكي حنين بصوت مخنوق: مو بس انتي بروحج كلنا ياقلبي غزل تحسفت على كلامها : خلاص بحاول اكلم عبدالرحمن واجي انا وجواهر حنين ببتسامه حزينه: انطرج وبعدين ابي اعرف سالفه منج غزل : شنو أي سالفه حنين : لاجيتي علمتج غزل : يحول انتي تبيني اجلس افكر في سالفتج قولي الحين وريحيني حنين بعصبيه : اقول خلاص قلت لاجيتي لاجيتي غيره ماعندي غزل : يمااااي طيب لاتنافخين مسافة الطريق سكرت غزل من حنين وجلست تفكر كيف انها للحين ماتأقلمت على وفاة سعود وانها كل يوم تبكي وماتوقف وتجلس طالع تلفونها يدق ويكون سعود بس للأسف للحين مادق وللحين مايأست وعندها امل ان سعود راح يدق عليها لانه دووم وياه بأحلامها وهذا الي مونسهاا قامت بسرعه وكلمت عبدالرحمن الي ماصدق خبر وقالها بسرعهتلبس هي وجواهر ويطلعون له برى طلعوا وركبوا وياه السياره بالسياره*** الجوهره تتعبث بالمسجل شوي وتطلع اغنيه اعجبتهاوخلتها اغنية وينه؟؟ مشتاقله ميت عليه .. وينه بعد عمري ابيه .. بحكيله عن كل اللي صار عن غيبته ليل ونهار وبلهفتي بحضن ايديه وينه بعد عمري ابيه حسيت في غيابه بحزن .. مريت باصعب ظروف .. ليته يجي ليته يحن .. وبعينه احوالي يشوف . من ياخذ اشواقي إليه .. وينه بعد عمري ابيه راح اللي بعيونه الهنا .. غاب الفرح في غيبته . ليله بعد ليله وانا .. بس انتظرها رجعته واتخيل ايديني بيديه .. وينه بعد عمري ابي .. ^ ^ ^ غزل سمعت الاغنيه ولااستحملت حست ان هالكلمات مكتوبه لسعودبكت وهي تحاول ماتبين لهم انه تبكي بس ماقدرت تخبي أي شي كأن الكلمات تحكي عنها وعن سعود هي محتاجتله تبيه حست انها فقدته وحشها سعود بكت لدرجه ان على صوتها وهي تبكي الجوهره تداركت الموقف وسكرت المسجل بس بعد شنو بعد مافتحت جرح عميق في غزل وخلتها تنزف عبدالرحمن نزلت دموعه على اخته وحاول يمسحها بشماغه عشان مايزيد الطين بله ويخلي غزلتزيد بكاها مره ثانيه الجوهره وهي تبكي على حالة اختها وتندمت انها شغلت المسجل وقعدت تسب بنفسها وغبائها اما غزل كانت بعالم تتخيل سعود وياها عالم حبته وصارت تحب تكون موجوده فيه للأبد بس لان سعود وياها نزلوا وركضت غزل بسرعه ودخلت للبيت وهي تمسح دموعها لقت قدامها حنين ضمتها بقوه وجلست تبكي حنين جلست تبكي معها وصاروا يبكون دخلت الجوهره وشافتهم وجلست تهدي فيهم عشان ماتشوفهم ام فيصل وتبكي وهو مو زين لصحتها الجوهره: خلاص يابنات بسكم بكى تدرون انكم تعذبونه حرام الي تسونه فيه وفي انفسكم تحسبوا لاجر عندالله وبعدين ام فيصل تعبانه والمفروض تراعونها مو كل شوي تبكون قدامها تكفون خفو شوي حاولو تتحملون وتصبرون حنين وهي تمسح دموع غزل : خلاص غزول بسج بكى صادقه الجوهره مايصير الي نسويه غزل بحزن: خلاص بس انا اول ماسمعتها صدقيني بكيت غصباً عني حنين : شنو سمعتي علمتها الجوهره وابتسمت حنين بحزن وقالتها : غزول اجل كل ماسمعتي اغنيه بتجلسين تتأثرين حبيبتي بسج رومنسيه وحاولي تكونين واقعيه اكثر اوكي قلبي غزل بحزن: محد فيكم يحس فيني محد يعرف الا الي مجربه فكونا خلاص ماابي اتكلم بشي سكتوا بس حنين حست بشعور غزل بس تحاول تهديها وهي تعرف معنى الشوق والحب لانها مشتاقه لياسر ولها فتره ماكلمته ولاكلمها ماتدري شصار عليه وش فيه قطع عليها حبل افكارها صوت الجوهره تناديها: يعني مافيه تفضلوا بتخلينا واقفين ضحكت حنين : اسفه حياكم وبعدين البيت بيتكم غزل من بين حزنها تحاول تضحك : من غير ماتقولين بدش حنين والجواهره: هههههههاي ياقو ويهج غزل بضحكه بارده :ههههههههه الجوهره : حنون وين عمتي ابي اشوفها حنين : بغرفتها الجوهره : اجل بروح اشوفها حنين وهي تمسك غزل من ايدها : تعالي معي غرفتي غزل : شوي شوي علي حنين وهي تقفل باب غرفتها: هاااه قوليلي غزل بحزن: عن شنو حنين : اسفه بس عارفه مايخصين بس الفضول ذبحني قولي عن مذكرة سعود شفيها غزل بصوت مخنوق : تصدقين لاقلتلج اني للحين مافتحت المذكره ولاشفت شي حنين متفاجئه: وليش عااد غزل : احس مووقتها افتحها الحين ابي افتحها وانا مستعده ونفسيتي تكون مرتاحه حنين : طيب لافتحتيها علميني غزل تضحك : ابشري بس ماقلتيلي شلون الجامعه وياج حنين : والله هذا جالسه الحق على الي طافني والحمدالله اشوى وانتي غزل : لا الحمدالله كل شي تمام حنين براحه: تصدقين طمنتيني كل الوقت جالسه افكر فيج غزل : وين الجوهره قالت بسلم ولااشوفها جت حنين : يوه تصدقين ماضيفتج غزل : عادي حياتي مابينا رسميات وبعدين مالي نفس بس ابي ماي وانا الي بجيبه حنين : شدعواا اقول اجلسي بروحه اجيبه انا غزل : خلاص ياحنين قلتلج عادي بعدين انتي نادي الجوهره وانا بجيب ماي حنين : براحتج يله خليني اشوف الجوهره راحت غزل للمطبخ وخذت كاس ماي وقعدت تشرب تذكرت موقفها مع سعود بالمطبخ وامتلت عيونها بالدمع تنهدت اه كل مكان انت وياي ياسعود ولفت تبي تطلع بس شافت قدامها سعود ابتسمت بلهفه وركضت وارتمت بحضنه حست بدفى حضنه : قلت انك حي بس محد صدقني وانت الحين قدامي بشحمك ولحمك حست بشخص يمسح على راسها بكت وتاكدت انه سعود ومن بين دموعها : احبك احبك احبك رفعت راسها وقعدت تشوفه مسح دموعها بيده وابتسم لها خافت وارتبكت وانحرجت وطلعت من المطبخ تركض ودخلت غرفة حنين وصارت تبكي حست انها منحرجه بقوه من حركتها وصارت تبكي قامت بسرعه تمسح دموعها عشان محد يحس فيها حنين : فيصل شجابك فيصل كان مسرح بالي ضمته وقالتله احبك وبجمالها الي سحره :00000 حنين بصوت عالي : فيصل فيصل برتباك: هاه شفيج تصيحين حنين : من متى وانت هني فيصل : من شوي ليش حنين : اشوى لان غزول كانت هنا وخفت لاطيح عليها فيصل بنفسه هذي غزل مشالله عليها مزيونه بس معقوله انها تحب سعود لها الدرجه ولانسته ؟؟ حنين : فيصل لادش الصاله ترى البنات عندي يعني تنحنح فيصل: اصلاً انا رايح للغرفتي طلع لغرفته وهو مسرح بغزل وبجمالها يعني في بنات احلى من امال وانا احسب امال الوحيده الي مزيونه وربي ان امال ماتجي شي عندهاا حنين دخلت غرفتها : انتي ماقلتي بروح للمطبخ شفيج مارحتي غزل حست براحه ومسحت دموعها بسرعه : هاه لابس قلت انطرج تجين عشان نروح سوا حنين تضمها : يله يادلوعه مشينا امي تبيج والله وصار عليج طلبيات غزل ببتسامه بارده: ياشين الغيره حنين : والله ياغزل كأنا مهبل شوي نضحك وشوي نبكي مادري شفينا غزل : واحد يكون صاحي وهو فاقد انسان زي سعود حنين : مااقول الا الله يصبرنا الدموع ماتنفعه ماينفعه الا الدعاء واعمال الخير خلينا نكثر منها غزل : انا كلي له والله ماانام الا وانا مصليه وداعيتله حنين : الله يقويج ويصبرنا انشالله نزلوا تحت وجلسوا سوالف وكل واحد يحاول يضحك عشان يهون على غيره ويمسح دمعته ببتسامته &&&&&&&&&&&&&&&&&&& &&&&&&&&&&& &&&&& بيت ابو عبدالرحمن*** علي صار ضعيف ولاياكل ولايشرب عدل صار كل الوقت سرحان وماصار يحب يطلع ولا يحب يشوف احد بس يبي يروح الكليه ويرد البيت لغرفته على طول كان هذا حاله رغم مرور شهر على وفاة سعود بس مستحيل تنسيه صديقه شهر مايقدر يمحي دهر مستحيل ولو شيصير مستحيل ينسى صديق الطفوله مستحيل مستحيل كان يمسح دمعه بطرف ثوبه لدرجه ان كتوفه صارت تتهتز من شدة البكى والحزن كل يوم وهو على هالحال يفتح الصور ويجلس يتذكر ويبكي دق تلفونها ورد بصوت حزين: الو فهد بحزن: علي شخبارك طمنا عليك علي يبكي : اخباري ماتسرك يافهد فهد يهديه: علي سعود ومات ومايصير الي تسويه بنفسك يعني اذا سويت كذا سعود بيطلع من القبر ويجيك علي يتنهد: شتبيني اسوي غصب عني والله ان سعود غالي عندي محد يعرف قدره بقلبي محد راح يفهمني فهد بحزن: تقدر تفرحه وتخليه مرتاح والي تسويه تراه يضره ماينفعه وانت ماتبي المضره لسعود علي بخوف: قولي يافهد شسوي علمني ؟؟ فهد بصوت هادئ: ابيك من اليوم ورايح انك ماتبكي هذا اولاً علي : احاول فهد : وثانياً ابيك ترد لهلك ولربعك ترى اشتقنالك واهلك بعد حرام تحرمنا منك يكفي انحرمنا من سعود تبينا ننحرم منك بعد علي وهو يبكي : احاول فهد : ثالثاً ابيك تسوي اشياء لسعود تدفع عنه البلاء هو الحين محتاجلك ياعلي مو محتاج دموعك محتاج انك تتصدق وتسوي اعمال خير لسعود وهذا الي يريح سعود وينفعه علي وهو يمسح دموعه: ابشر تصدق كلامك ريحني حسيت اني غفلت وصرت كئيب ماادري يمكن لاني كنت مفكر انه مستحيل افقد سعود بعد ماتراضو الشياب بس صدقني يافهد عمري ماراح اضحك من قلبي لان الي كان يضحكني من قلبي راح فهد : اهم شي انك تكون بخير واطمنا عليك وترجع علي الاولي وسعود الله يرحمه ويغفرله وحنا مو مقصرين علي : مشكور وماتقصر يافهد واحس اني تعبتك وياي فهد : افاا ترى تعبك راحه ياعلي واي شي تبيه ترا انا بالخدمه علي : تسلم وماتقصر فهد : الله يسلمك سكر علي من فهد وقعد يفكر بكلامه وبكل شي قاله وعرف ان الي يسويه مايرضي ربه وكان علي معترض على قضاء الله وقدره استغفر ربه وقام وصلى ركعتين وبعدها قعد يقرا القران وحس برااحه وبسكينه بقلبه مسح دموعه الي نزلت مع خشوعه للقران ونزل عشان يجلس مع اهله الي حس انه مشتاقلهم الجوهره : غزول شفيج سرحانه غزل وهي تتذكر الموقف حست انها في قمة الغباء شلون مانتبهت على انه فيصل لهالدرجه سعود يشبه فيصل ولا العكس بس كانت تحس بنظرات فيصل مثل نظرات سعود وحتى هي حست بحنان فيه ، طيب ليش مسح دموعه ليش مابعدني عنه او تنحنح ليش خلاني اضمه ، يووه وربي احس انه نقد علي الحين تو اخوه ميت واجي انط بحظنه ياربي الحين شقاعد يقول عني والله اني حسبته سعود مثل رزته وسامته حتى عيونه ماقدرت استحمل لما شفته توقعته سعود بس انتي عارفه ان سعود ميت ليش سويتي كذا والله توقعت ان سعود حي بقلبي ويوم شفت فيصل نبضات قلبي زادت حسبته كل دنيتي حسبته سعود حياتي وعمري ، يمكن لانه يشبه سعود حسيت ان قلبي بيوقف من الفرحه والهفه والشوق اه ياسعود شسويت فيني خليتني اشوف كل الرياجيل انت خليتها مجنونه فيك خليتها ولهانه ومشتاقه ومحتاجه لك اه ياسعود تدري اني اموت فيك ومن دونك ولاشي نزلت دمعه على خد غزل وتنهدت اه اه الجوهره وهي تشوف دمعة غزل وتنهيدتها الي طالعه من قلبها حست ان اختها تعاني وحبت تسوي روحها مانتبهت لها وتغير الجو ضربتها على رجلها بخفه : لي ساعه اتكلم ومحد يمي غزل وهي تمسح عشان ماتنتبهلها : هاه قاعده اتابع مو يمج الجوهره : عاد من زين القناه احد يتابع الجزيره وتضحك ههههههااااااي غزل وهي تشوف التلفزيون على الجزيره وتوهقت : هاه وانتي شعليج مني اانا احب اتابعها فيها شغلات حلوه الجوهره تضحك: ههههههههههههههههاي طيب شهالشغلات قوليلي غزل تفشلت ماتعرف اصلاً شي عن هالقناه: هاه برامج كثيره مو شرط تعرفينها الجوهره كاتمه الضحكه : طيب قوليلي عشان اتابع وياج وبعدين الحين عن شنو الموضوع غزل وهي تقوم : الشرها مو عليج على الي جالسه وياج خلني اروح لغرفتي احسن الجوهره وهي تضحك: ههههههههههههههههااي تعالي لاتروحين خليني اسولف وياج غزل وهي تلتفت عليها: ولي عني زين من زين سوالفج عاد كلها عن الحمل ومادري شنو فكيني بس &&&&&&&&&&&&&&&& &&&&&&&&&&&&&&&&&&&&&&&&&&&&&&&&&&&&&& بيت ابو ياسر*** ياسر دخل للصاله معصب وعيونها طالعه من العصبيه نادى بصوت عالي :بـــــــــشــــــــــــــاير ام ياسر وهي تطلع من المطبخ ومختلعه : خير ياولدي شفيك ياسر معصب : وين بــشــاير وينها الوصخه ام ياسر خوف : بغرفتها بس قولي شفيك معصب راح ياسر لغرفة بشاير وهو بقمة الغضب بشاير اول ماسمعت صوت اخوها اختلعت وصارت تتنتفض من الخوف عارفه شراح يقولها وحست بتأنيب الضمير بس الحين كله همها تطلع من المشكله حيه مو ميته وهذا زاد خوفها وخصوصاً انها عارفها اخوها ياسر يدق باب غرفتها باقوى ماعنده : بــشـــاير افتحي بشاير بخوف : شتبي ياسر معصب : اقولج افتحي ماتسمعين بشاير وصوتها مخنوق: لا ماراح افتح قولي شتبي ياسر انفجر : والله ان مافتحتي لااكسر الباب على راسج ام ياسر تهديه: خلاص ياياسر لاتخوف البنت بتفتح اهدا بشاير بخوف: بفتحه بس لاطقني ياسر يبتسم وهو معصب: يعني عارفه شمسويه افتحي ولايكثر ام ياسر : بشاير افتحي الباب لا تفضحينا عند الجيران بشاير وهي متردده تفتح الباب: طيب بس لاتسوي لي شي تكفى ياياسر دز الباب بقوه لدرجه خلها طيح على الارض ومسك شعرها بقوه : انتي شتبين ليش تسوين كذا تكلمي ليش بشاير تبكي : اسفه اخر مره والله اسفه ياياسر بس عشانك ياسر وهو يقومها ويدزها على السرير: ليش ماعلمتيني عن وفاة سعود ليش قعدتي تكذبين ليش ليش فهميني بشاير تبكي من الالم : والله عشانك ابيك تكرها ياخوي وتنساها ياسر وهو يصر على سنونه: كم مره قلتلج مالج خص فيني انتي شتبين بالضبط بشايرتبكي و تشاهق: لانها ماتستاهلك وانت احسن منها مايعتاز نذل انفسنا عشانها هي واهلها ياسر وهو يعطيها كف: انتي وحده انانيه اجل البنت تجي للبيت عشان تواسيج وتطردينها من البيت بشاير تبكي : من قالك انها جتنا اصلاً ماعتبت على باب بيتنا ياسر بعصبيه : بشاير لاتكذبين علي كل شي واضح وامي موجوده وراح اسألها عشان نشوف انتي صادقه ولالا ، يمه حنين جت بيتنا في اليوم الي مات فيه ابوي ولا يمه بذمتج وراس ابوي قولي الصدق ام ياسر وهي تشوف بشاير وتصد عنها: أيه ياولدي جت وسألت عنك وعن بشاير كانت تبي تواسيكم بشاير تمسح دموعها : جت عشان تتشمت علينا ياسر وهو يشوفها بحتقار : وليش تكذبين وتقولين انها ماجت ليش ماعلمتيني ليش تسوين كذا تبين تفرقين بينا بشاير وهي تبكي: خلاص انا بشيل ايدي منك واذا صارلك شي راح اقولك (ماقلتلك ياخوي انها ماتستاهلك) ياسر وهو يبتسم بستخفاف: بقولج شي وابيج تحطينه حلق بذنج مافي احد يفرقنا انا وحنين الا الموت تفهمين ولالا وطلع من البيت وترك بشاير تمسح دموعها وتحس بنار الغيره والحسد يدخل قلبها لان صار اساس قلبها الكره ام ياسر تقرب من بشاير وتضمها: يابنتي مايصير تعذبين عمرج وتعذبين اخوج خلاص خليه يعيش حياته وبكره راح يعرف من الصح انتي ولاهوريحوني يابنيتي بس انتي الحين ركزي على نفسج وجامعتج وانسي حنين واخوج بشاير بحزن: انشالله يمه اصلا مو اكبر همي ( الله يوفقهم) قالتها بقهر وحسره وكان ودها ماتطلع منها بس لانها شافت ياسر وغسلت ايدها منه لانها شافت الحب بعيونه والعشق طبعاً ياسر ماصبر حس بحنين فيها شي دق عليها وعرف كل شي قدر ظروفها وقدرت ظروفه وكل واحد عذر الثاني حسوا انهم فقدو بعض وقلوبهم اشتاقت لبعض لان العين اشتاقت لشوفت الحبيب والشفاه اشتاقت لنطق اسم الحبيب والاذن اشتاقت لسماع صوت الحبيب كلها كانت مشاعر ياسر وحنين رغم صعوبة الظروف الا ان في شي واحد يساعدهم على تخطيها وهو حبهم لبعض هو الي يهون عليهم كل شي &&&&&&&&&&&&&&&&&&&&& &&&&&&&&&&&&&&& &&&&&&& حنين ضمت نفسها وحست براحه لما سمعت صوته ياي قد ايش كانت مشتاقه لصوته وسوالفها حست ان روحها ردت لها ابتسمت بحزن وقالت رغم انك ماكنت معي ياياسر في ظروفي الحزينه الا انك بكلمه منك خلتني احس انك واقف وياي وحسيت انك شلت اشياء كانت بقلبي بس لما سمعت صوتك يروح كل همي وحزني تنهدت اه ماخطيت يومني حبيتك مااخطيت ياكل ناسي,, فجأه حست بشعور غريب حست ان فيه انسان كان هو بعد ناسها واهلها تنهدت والعبره خنقتها ااااااااه وينك ياسعود بكت لما تذكرت كلام سعود انه راح يوقف وياها وراح يخليها تاخذ الي قلبها هواه تذكرت سعود لما قالها لاتعشين مع شخص ماتحبينه وعيش مع الي تحبينه لو كان مايملك ولاقرش بكت وبكت ,, يووووه ياسعود صدق على صغر سنك الا انك تقول درر وكلام بمحله اه ياسعود وربي لك وحشه !!! قطع عليها حزنها وذكراها صوت نواف يناديها نواف يدق باب غرفتها: حنين حنين بصوت مخنوق: ادخل نواف نواف بحزن: حنين ابي اكلمج حنين بخوف: هلا شبغيت نواف وهو يجلس جنبها على السرير: حنين انا تعبان حنين بخوف: تعبان شفيك شلي متعبك فديتك نواف يبكي : مشتاق لسعود واحس نفسيتي تعبانه حنين وهي تضم نواف: كلنا مشتاقين له يانواف ومايصير الي تسويه وبعدين لاتشوفك امي تراها تعبانه هي وابوي نواف يبكي: والله كل مااحاول ماتشجع وارجع ابكي والله اني احبه وان له وحشه حنين وهي تهديه وتمسح دموعها : ومن الي مشتاق لسعود اصلاً للحين ماشفت احد مابكى على سعود ولا شتاق له هذا دليل على انه رجال فيه الخير والمفروض نستانس وندعيله بالرحمه يانواف نواف وهو يضمها بقوه: الله يرحمه حنين وهي تمسح دموعها : نواف طالعني ابيك تركز على دراستك لان سعود مايبي يشوفك كذا وبعدين تذكر هذا ابتلاء من رب العالمين والمفروض انا نصبر خلاص حبيبي ماابيك تتكدر وقوم صل وادع لسعود وتعوذ من بليس نواف وهو يقوم : مشكوره حنون والله اني ابي افضفض واحس شي ضاغط على صدري بس احس اني ارتحت الحين حنين تبتسم : اهم شي انك تكون بخير وتجتهد يادكتور العائله نواف وهو يلتفت عليها : انشالله يله تصبحين على خير حنين : وانت من اهل الخير حنين بقلبها :: والله يانواف ان ابي من يهديني ويواسيني على فرقا الغالي بس الله يصبرني على هالدنيا بدونه &&&&&&&&&&&&& &&&&&&&&&&&&&&&&&&&& بيت ابو عبدالرحمن*** الكل كان مجتمع بالصاله الجوهره: ياااي والله من زمان عن جمعتنا ام عبدالرحمن وهي طالع بجوهر بعصبيه: قولي مشالله لا تجلسين وتويلين علينا الكل ضحك: ههههههههههههاي الجوهره وهي متفشله: هاه انا شقلت طيب ماقلت شي غلط ام عبدالرحمن كانت تشوف علي الي كأنه قام يتأقلم على الوضع بدون سعود : الله لايغير علينا يابنتي الجوهره : امين غزل كانت تحاول تبين لأهلها انها تأقلمت هالشهور ونست سعود بس عمرها ماتنسى سعود وذكرى سعود لانه واضح بعيونها الذبلانه انها ميته فيه ومشتاقه لحنانه وطيبته غزل تغيرت بعد وفاة سعود صارت ضعيفه حيل لدرجه ان عظام وجهها بانت وعيونها ذبلت من كثر الحزن وكان شكلها يخوف فرق لما سعود كان عايش كيف كان حاله الحين بدونه وكيف كان حالها معه ناداها عبدالرحمن : غزولتي شفيج ساكته لايكون تعبانه ترى شكلج مايطمن غزل سمعت عبدالرحمن يقول (غزولتي) تذكرت سعود كان هو الوحيد الي يقولها هالدلع تذكرت وامتلت عيونها بالدمع حست ان قلبها تقطع بعد ماسمعته يناديها ليش كل ماحاولت تنسى ينفتح عليها جرح عميق تحاول انها تبريه بس ماقدرت لان فيه ذكريات حلوه مع سعود لما يبي منها شي يقولها (غزولتي) لما تبكي ويحاول يهديها يقولها(غزولتي) حبت اسمها لما يقوله سعود تذكرت صوته حست انها راح تنهار قدام اهلها وهذا الي ماتبيه مسكت عمرها وهي تمسح بكفها بسرعه دمعتها الي حرقت خدها من حرارتها غزل: لاوالله مو تعبانه ولاشي بس انت عارف الامتحانات قربت وقاعدها احاتيها عبدالرحمن: اجل شدي حيلج نبيج تجيبين نسبه ترفع الراس غزل ببتسامه حزينه: شفيك مستعجل هذي امتحانات الكورس الاول لاحقين على النسبه عبدالرحمن: هههههااي عارف بس ابيج تشدين حيلج بالكورس لااول عشان الثاني ترتاحين غزل بصوت مخنوق: اها اذا كذا انشالله راح اسوي الي علي والباقي على ربك يله انا بروح لغرفتي اذاكر راحت غزل لغرفتها ورمت نفسها على سريرها وقعدت تبكي بكل حرقه والم على الفراغ الي عاشته بدون سعود حست كل شي بحياتها ماله أي معنى بدون حبيبها بدون روحها حست انها ماتقدر تتأقلم بدونه اه ياسعود لو بيدي شي كان عطيتك روحي اه ياكل دنيتي وحياتي احبك والله احبك الجوهره: صدق يمه ماقلتلج ام عبدالرحمن : شنو الجوهره وهي تشوف تركي الي كان لاهي وقاعد ياكل الفطاير: خالتي وبناتها بيجون بعد امتحانات غزول تركي ماقدر يبلع لقمته وغص وقعد يكح كح: ماي ماي الجوهره تضحك: هههههههههاي افا ليش كل هذا ام عبدالرحمن وهي تعطي تركي الماي: اسم الله عليك اكل بشويش محد يلحقك ياولدي الجوهره زاد ضحكها: هههههههههههههاي حلوه يمه تركي متنرفز: يمه شسوي غصب حدي ميت جوع وانتي بسج ضحك ماله طعم الجوهره: طيب ليش غصيت هااااه ههههههههههاي تركي معصب: مايخصج بعدين مو هم اجلوها ليش يبون يجون بعد امتحانات غزول بالضبط الجوهره: لانهم يبون يغيرون جو عندنا ويتقضون براحه تركي يبتسم وتذكر اخر مره شاف فيها دلال وكيف راح يشوفها الحين هل هي نفسها ولا تغيرت طول ماكان جالس ماكان يقدر يضحك او يتكلم حس انه مو معهم وكله مسرح مع الذكريات الحلوه الي عاشها مع سعود هي الشي الوحيد الي لايمكن تنمحى عن ذاكرته حس بالوحده رغم وجود اهله حس بالغربه رغم انه بوطنه حس انه فاقد شي ياترى من يملى فراغك ياعلي قطع عليه حبل افكاره صوت امه تناديه: علي علي بصوت حزين: لبيه ام عبدالرحمن : ياولدي شفيك استهدي بالله ووسع صدرك ولاتحسس عمرك بالذنب على شي ماسويته او انك تسوي بعمرك كذا عشان تريح سعود ترى الي تسويه موب زين اذا تبي تريحه ريحه بأعمال الخير ابرك من انك تعذب عمرك وتعذبه معك علي بحزن : يمه انا الحين قاعد احاول والاشياء الي قلتي عنها انا عارفه ومسويها من قبل ماتقولين لي وانا عارف اني غلطان بس يمه مااقدر بيوم وليله انسى سعود عبدالرحمن وهو يمسك ايد اخوه بحنيه: كلنا فقدناه ياعلي كلنا بس ماسوينا الي سويته علي حس بالحزن وخاصه لما مسكه عبدالرحمن ماقدر يمسك دموعه الي نزلت على وجهه بغزاره لدرجة ان كتوفه تهتز من الحزن والحسره كل الي بالمجلس صار يبكي وقلبت الجلسه من ضحك لحزن جلست غزل تحاول تمسح دموعها الي للحين مستمره شافت نفسها حست انها ميته من الحزن تذكرت مذكرات سعود راحت لدرج وصارت مستعده تقراها فتحت اول صفحه وقرت الحب يالها من كلمة جميله تجتمع فيها معاني عديده الحب هو العشق الحب هوالحنان الحب هو الرومنسيه الحب هو عالم الخيال اااه من الحب فالحب لا يتذوق طعمه الجميل الا من يحب بقلب صادق الحب هو جسدان اجتمعا بقلب واحد فكم اعشق واهوا من سكنت فؤادي وكياني اااه منكي فقد ملكتيني وجعلتيني مجنوناً بجمالك فأني اراك اجمل فتاة على وجه الارض وارق ممن نسمة الهواء وانعم من صوت النسيم فااااااااااه كم اهوووواك (( غزل )) ماجمل هذا الاسم ومااجمل معناه فانتي لي وانتي حبي فلقد علمتيني الهوا والحب على صغر سنك فمااجملك ايتها الطفله الرائعه ((غزل )) ان حبي لكي يفوق الوصف فكلماتي لاتوفي حقكي لقد اصبحت مجنون الهوا ومجنون بغنجكي وعينااااااااكي ااااااه منكي كم اعشقك ,,,,,, هذه مجرد خواطر لم اكتبها بل قلبي هو من يكتبها لكي يا حبيتي وهو يصرخ بأعلى صوووووووووت اعشقكي ياااااااااحبيبتي *********************** قرت غزل اول خاطره ودموعها ملت الصفحات كانت تبكي بأنين وحرقه كانت تقرا خاطرة سعود الي مليانه حنان وحب عرفت ان سعووووود يكتب خواطر وكان يعبر عن حبه لها بالخواطر بس ماعلمها كان دايم يقولها حبج ماينوصف حبج فوق الخيال ضمت مذكرته بصدرها وقعدت تصيح حست ان حياتها ماله معنى وانها عايشه جسد بلا روح دعت على نفسها بالموت تبي سعود تبي تكون وياه وين ماراح ,, استعاذت من الشيطان واستغفرت ربها وحست انها تكبر على الله قامت وغسلت وجهها الي كل يوم يذبل بعاد ماكان مثل نور القمر شافت نفسها بالمرايه حست انها تغيرت كثيييييير كان باين جمالها بس مو زي اول ,, تذكرت يوم سعود يقولها تنقبي وانه يبي جمالها له لحاله ويبي يملي عينه لحاله بجمال غزولته بكت وهي تقول رحت ياحبيبي وراح جمالي ورحت وياك اه ياسعود صدقني مااقدر اعيش كل ماقلت بنساك ذكراك رافض نسيانك والقلب رافض غيرك حبيب ااااه ياسعود ياويل قلبي عليك ,, عنوان غزل كان الحزن ويومها ماكان يمر الا بدموع وانين علي كانت الذكرى وناسته والايام بدون سعود معنى لتعاسته وهمه حنين كان اللون الاسود هو ردائها وياسر هومصدر سعادتها رغم حزنها على فرقا سعود عبدالرحمن كانت حنين حلمه وقلبه ينبض بسمها وعنوانه بداية عشق لا ينتهي فيصل كان فكره وقلبه مع انسانه قاعده على ذكرى حبيبها ولاتدري ان فيه قلب تعلق فيها بشاير الكره والحقد كان مستوطن قلبها على اقرب قريبه &&&&&&&&&&&&&&&&&& القلب الطاهر ومنبع الحنان القلب الذي لايوجد فيه مكان للحقد والكراهيه القلب المسالم القلب الذي يحب بطهاره والذي احب بنية الحب الجميله التى نفقدها هذه الايام ,, اخ اخ منك ايه الموت فأنك لاتعرف من تاخذ ,, ذهب وياليته لم يذهب ذهب لدنيا الاخره ذهب واخذ معه اناس كثيرون ذهب ولاكنه موجود بالقلب والذاكره فمثله نادر وجوده في هذه الدنيا ذهب الطيب ففي هذه الدنيا لاوجود لطيب (( ياليت ))ليت هذه الكلمه تنفع ونقول ياليته عاد لدقيقه واحده لكي نقول اننا اشتقنا له وان الدنيا ليس لها طعم من دونك واننا لم نستطيع فراقك ومتلهفون على كلامك الهادىء والذي يداوي جروحنا واهاتنا ,, ونقول ان دقيقه واحد لاتكفي نريدك معنا فكلامنا يطول ليت كل هذا حلم ونفيق ونراك معنا هنا وتحكي لنا حكايك مااجمل حكاياك او تصرخ علينا فصرختك ابتسامه مااجمل ابتسامتك ياليته حلم او خيال ,, ليتك تعود ليتك تعود رغم كل الصعوبات التي تمر بنا الا ان على الانسان ان يجتازها رغم عدد الاهات التي تخرج من اعماق قلبنا الا ان هناك من يطفيها رغم الحب وجماله الا ان هناك لوعت الفرااق وقسوته علينا رغم ان للحياه معاني كثيره الا ان هناك حقيقه الا وهو موتنا
	توقيع :

فترة الأقامة : 4676 يوم

زيارات الملف الشخصي : 2422

إحصائية مشاركات »

المواضيـع الــــــردود [+] [+]

بمـــعــدل : 8.17 يوميا

معانى الورد

مشاهدة ملفه الشخصي

إرسال رسالة خاصة إلى معانى الورد

البحث عن كل مشاركات معانى الورد