صحيت على صـــــوت محبوبتى
صحيت من نومى على صــــوت محبوبتى تنــــادينى
***
بصوتهـــا الجميل الحلو تنادى انت فــين يانـورعينى
***
فتحت لى درعاتهـــا فقلت لهـــا لصـــــــدرك ضمينى
***
فينك حبيبتى من زمــــان هوأنا على البال ولانستينى؟
***
وحشتنى همساتك الحلوة وانت لا بتردى ولا بتكلمينى
***
هــوأنا بقيت ماضى فى طى النســـيان ولابتفتكرينى
***
فين ضحكت ياام ضحكة جِنـــان كانت دايما بتشجينى
***
يازهـــرة النرجس اللى عطــــرك كان دايمـــا يغطينى
***
أنام وأصحى وأنا بافتكر شــفايفك لمــا كانت بتلاغينى
***
انت اللى خلتينى أهــوى الشــعروفى بحـوره غرقتينى
***
هويتك وحبيتك بكل حواسى وياترى انت لسه بتحبينى؟
***
والله لايــوم نسيتك ولا روحتى عن بالى ليــه تسيبينى؟
***
ياريتنى لى جنـــاحين أطـــيربيـــهم وأوصـلك حنينى
***
ما فى حدّغيرك قــدر يدخــل فى قلبى ولاقـــدريغوينى
***
كنت باحس بك من بعيد فرحك يفرحنى وزعلك يبكينى
***
كنت لمااسمع همســاتك فى عزالشــتاء كانت بتدفينى
***
حبيتك من غـــيرماأشوفك حب ماله مثيـــل صـــدقينى
***
أعمـــــل فيكى إيه ياعــزة نفسى ياللى دايمــــاتتعبينى
***
عشت معاكى أحلى لحظات عمرى صح؟ولاحاتكذبينى؟
***
خلتينى أحبك وأدوب فيكى ولأسمى درجات الحب رفعتينى
***
وفى لحظــة واحـــدة ضاع كل اللى كان بيننا وتركتينى
***
والله ماأستحق أبدا منك حبيبتى بهذا الشـــكل تتركينى
***
بقـــالى فترة صــــايم عن كتــابة الشــعرمن كُتر أنينى
***
لمــاحلمت بيكى كتبت لك ومافيش حدغيرك يهــــوينى
***
أروح لمـــين بعـدك حبيبتى ومين غيرك يقدر يحتوينى
***
وفى آخركلامى ســـؤال: ياترى أنت بايعنى ولاشارينى؟
***
إن قلتى شارى دا شئ يفرح قلبى وأرجوكِ لاتخدعينى
***
وإن قلتى بايع فالله وليىّ لأن فراقك حبيبتى حايكوينى
***
كلمات بقلمى أرجوأن تنال إعجابكم
|