شبه المطر عشقي من أقصـاك لادنـاك

شبه المطر عشقي من أقصـاك لادنـاك
ومـــاكنّـه الاّ سيــــل حــدّر بــوادي

يامـا حمستـك شـوف ليـن اتقهــواك
حتّـى يطيـب البـــال كيـف المبـادي

واعـن لـك جـــزل القصايـد بيمنــاك
شعــــرٍ يتـوه بعالـمـك يـــــاودادي

ليلك بحر ياسيّـدي ويـن مرســــــاك
وأزرق نهـــارك صـار ماهـوب عــادي

طيفك معي من وين مـاروّح ألقـــاك
مـن ويـن ماروّحـت طيفـــك ينـادي

جيتـك مشاعـر همّهـا اليـوم لامـاك
جيتـك طمـوح وفيـك غايـة مــرادي

وسـط الليالـي ولّـع الشمـع ذكــراك
فـي زحمـة الأفكــــار حلّيـت بـــادي

فـي ذمّتــــي مـن دون ذولا وذولاك
أنـت الوحيـد اللـي عطيتـه فــؤادي

بيـن الحنايـا مجلسـك حـط مركـــاك
ماغيــر أنـــا وايّــاك والجـــو هــادي

فـل الحجــاج وأطـرب اللـي تمنــــاك
مـالك ومـال النـاس حضـر وبــوادي

أبغـى ارتفـع فــوق المجـرّه والأفــلاك
واقطـــف ورود الحـب مـن كـل وادي

وتقول إكتبني وأنـا اقــــول أبقـراك
حرف القصيـد اللـي عليـه إعتمـادي

إن جيت وإن ماجيت والله فلا أنسـاك
فـي غيبتـك كـل المنــاظــر ســوادي

ياسيّدي عطـــر القصـايــد تنصّــــاك
سمـك قصيـدي ريــح مسـكٍ وكــادي

ما قلت لـك يلعـن أبـو ليـل فرقـــاك
حبّــك بـــوادي والخـلايـق بـــــوادي

 

تسلم أيدك ع الطرح الرائع الجميـل
ولك مني باقات من الياسمين
تحمل في شذاها أسمى معاني الاحترام
بانتظار جديدك بكل شوق
ودي ووردي

اللع يعطيك ألف عافية على
هذاالنظم الرائع والذى راقنى كثيرا
كل التقدير

سّلِمتِ يًدِآكْ
عّلِى جميًلِ طرٍحكْ وَحسّن ذآئقتِكْ
يًعّطيًكْ رٍبيً ألِف عّآفيًه
بإنتِظآرٍ جدِيًدِكْ بكْلِ شوَق
لِكْ منيً جزيًلِ آلِشكْرٍ وَآلِتِقدِيًرٍ

موَدِتِيً