هوا العاشق

كل ما بك يا هوا العاشق جميل
متجلّيٍ باحلى الصور في هالحياه

ارحم اللي منك شايلّه قتيل
بين كفّين الصدر هو منتهاه

ما عرف دربه و يبغيك الدليل
صوب نيرانٍ تلاقت مع مياه

يا ظلال الروح في شمس المقيل
يا سنا المشتاق في لحظة عماه

يا هبوب جنوب من عقبك يسيل
خدّ لي في وصلكم تمطر سماه

والمحبه أرض ما تقدر تشيل
غير إسمك لي تملّكني غلاه

تدري بحبّي لكم ما له مثيل
عد ما بالكون من رمل وحصاه

في مركبٍ عالي و شراعه طويل
من وين ما دار الهوا خذني معاه

العمر في شوفكم حزنه قليل
والهوا من بعدكم دون اتجاه

لا تطوّل كان بتشدّ الرحيل
لا تترك احلامي يبعثرها هواه

في ساحة العشّاق أنا عابر سبيل
مجبور في وصف المحيّا و الشفاه