لو كنت مكانهم و هما مكانك

فتح عيونك
ابدأ يومك
اشرب حاجة تصحصحك
او كلم حبيبك في تليفونك
او صلي ركعتين يغسلوا همومك
و البس هدومك
على الشغل نازل
او على دراستك تحصل علومك
نازل على الحياة
تحقق فيها حلمك بعومك
لكن و انت بتعمل كل ده افتكر
افتكر انهم كانوا زيك .. و زينا
كان برده ليهم حلم بيدعوا بيه ربنا
بس الموت اخدهم مننا .. من وسطنا
افتكر .. و خلى الكلام في معلومك
متنساش انك لسه عايش
و هما تحت التراب
متنساش ان لسه عندك فرص
تشتغل و تتفسح و تتجوز و تلبس و تفرح
و هما فرصتهم بس رحمة ربنا في الحساب
متنساش انكهم شاركوك نفس القضية
لكنهم ماتوا .. و لسه العدل غياب
متنساش ان الكل قتلهم
و لسه القتله احرار .. بدون عقاب
لسه القتلة احرار
و احنا اللي في الزنازين
سجون الحرية مليانة
م الضي محرومين
بس ارجع و اقول زيهم
زي اللي ماتوا كلهم
احنا اللي في التحرير
ذلناكم
احنا اللي في التحرير
نكسناكم
افتكروا لو ناسيين
و افتكر كمان انت .. لو كنت ناسي
انهم زيك .. كان نفسهم وطن حر
مش سلطة و كراسي
افتكر .. و خلى الكلام في معلومك
لو كنت مكانهم و هما مكانك
كانوا هايكملوا الحلم
و هاينزلوا الميدان علشانك
و لا حد كان فيهم ابدا في يوم هايلومك
يلاا .. انزل على يومك
او ادفن راسك زي النعامة
و كمل في العسل نومك

 

أقف هنا لك إحتراماً وتقديراً على هذاـآلذوق والإبداع كلمـــآت جميلة منسوجه ومتذوقهـ بصفوة نفسك يشرفني أن أكون ممن زرعـأحرفهـ هاهنا أمام ذآئقتك فأنثرها ـإعجـــآباَ وتقديراَلما إختاره قلمك فسلمت وسلم بنانك ..

هناك إبداع يسثير عبارات الثناء والإعجاب

وهناك إبداع يرقى الأنجما

ويخرس الكلمات ويعجزها إعجاباً

فهي ريشه ترسم لنا احساسها

بروعه وتميز وابداع

واذا كان للابداع عنوان فستكون انت عنوانه

فشكرا لك ولكل حرف من حروفك

كل ما أستطيع قوله

لا حُرمنا فيض إحساسكِ

وروعة عطائكِ

دام نبضكْ ودمتِ بخير