كلمات أوبريت حبيبى يا وطن كاملة

اللى تلاقيه فى عز ضيقته بينَكِّت
مهما الحياة تَعَبته وللا عليه إتَّكِت
مهما اتقفلت قدامه بيبان وللا إتْسَكِّت
وبطبعه دايما بركاوى .. على طول تقول دا مصراوى

واللى تلاقيه صاحى يجرى على رزق عياله
ويبوس إيده وش و ضهر وراضى بحاله
وواخدها عادى وعلى الله رامى تُكَاله
وتحسه بيعيش اللاوى .. على تقول دا مصراوى

واللى تلاقيه فاتح لكل الناس بيته
وتلاقى صحبة، قُرَبا وغُرَبا على طبليته
دوغرى و سِمِح وبشوش دايما ودى تربيته
ولا عمره كان يوم برَّاوى .. على طول تقول دا مصراوى