اشتباك بين سلمى صباحى وعمرو مصطفى بسبب بشرة خير

ضى القمر · #1 05-17-2014, 04:56 PM

أثارت أغنية "بشرة خير" لحسين الجاسمى جدلاً بين سلمى صباحى ابنة المرشح الرئاسى حمدين صباحى، والمطرب عمرو مصطفى، الذى قام بتلحين أغنية بشرة خير، التى تدعو المواطنين للنزول للتصويت بانتخابات الرئاسة يومى 26 و27 مايو الحالى.

وبدأ الجدال بنشر سلمى صباحى أغنية "بشرة خير" على صفحتها الشخصية بموقع التواصل الاجتماعى "فيس بوك"، مشيدة بالأغنية ولحنها.

وقام عمرو مصطفى، ملحن الأغنية، بالرد على سلمى عبر حسابه الشخصى على "تويتر" قائلاً: "عزيزتى سلمى صباحى، أنت عارفة أن مش بحب بابا، ومش عارف هو بيشتغل إيه، وأغنية بشرة خير لحنى على فكرة، وطبعاً لحنى ياعنى تحيا مصر، فاهمة ولا الفهم بطىء زى بابا".

وأثار هذا حفيظة سلمى صباحى، التى قامت بدورها بنشر تويته عمرو مصطفى على حسابها بـ"فيس بوك" مزيلاً بردها عليه قائلة: "مش عزيزى عمرو مصطفى.. معلش مقدرش أقول عزيزى لحد مش عزيز عليا فعلا! ليه بتجر شكلى!! دانا لسه بشكر فى الغنوه!!".

وأكملت سلمى: "أنا عارفة أن الغنوة لحنك وعارفة إنك مؤيد للسيسى، وعارفة أنك مبتحبش حمدين، وواثقة إنك ما بتحبوش (عن جهل)، زى بالظبط ما أنت مش عارف بيشتغل إيه (عن جهل) وزى ما بتقول وبتردد كلام كتير جدا (عن جهل) برضو، بس ده مالوش أى علاقة بأن الغنوة فعلا عجبتنى، الفن بالنسبالى أنقى وأرقى من التوجهات والاختلافات، والغنوة كلام قبل ما تكون لحن، ومانكرش أن اللحن اللذيذ اللى شبه كل ألحانك المنحوتة عجبنى برضو، أنت معروف عنك من أيام الجامعة أصلا أنك (نحيت) شاطر بصراحة، دى حاجه معروفة فى الوسط كله مش أنا اللى اكتشفتها حتى إسأل أى حد!!".

وتابعت سلمى ردها: فى كل الأحوال أنا شايفة أن الانتخابات مش مفروض تخسر الناس بعض، أكيد مبتكلمش عنى أنا وأنت لأننا أصلا مش صحاب، لكن عموما متحاولش تخسر حد بكلام مالوش معنى، أنا ليا أصدقاء بحترمهم جدا منهم أيمن بهجت قمر هو مؤيد للسيسى، لكن عمر ده ما خلانا نجرح فى بعض ولا نهين بعض لأن أنا مؤمنة أن كل واحد حر فى اختياره طالما عارف هو بيختاره ليه".

وتابعت: "كلمة تحيا مصر مش بتغيظنى على فكرة!! فى كل الأحوال تحيا مصر طبعا بغض النظر عن مين الرئيس.. كدة كده تحيا مصر بناسها مش برئيسها".

وأنهت سلمى ردها: "بالنسبة بقى للبطء فى الفهم أنا مش هارد على الجملة دى وبدعيلك ربنا يشيل الغشاوة من على عيونك وقلبك وضميرك عشان تعرف تشوف الحقيقة صح، وفى الآخر ربنا يولى الأصلح عشان أهم حاجة مصلحة بلدنا".