اصبحت احبك كثر ما احب حالـي

اخاف من حبك ومن شخصك اغار
اصبحت احبك كثر ما احب حالـي

لو خيروني فيـك صدقنـي احتـار
مدري من اللي صار للقلب "غالـي"

سكنت دار القلب يـا سيـد الـدار
واهديت لك حـب ٍ وحبـك هدالـي


قلب ٍ على فرقاك يـا خـل صبـار
ويزيد صبره ليـن حـل الوصالـي


تدري لقيتك يا غلا جملـة اسـرار
حور العيـون منبهـة كـل سالـي


وقلب ٍ لقيته موطن براح الازهـار
وحب علـى ظلـم الليالـي وفالـي


قلت اعشقك غصب ٍ على كل الاقدار
واقبلك حب ٍ بالزمـن قـد صفالـي


تروي عطش شوق ٍ يجفجف له آبار
وتسهر على فرقاي طـول الليالـي


صحيح قاطع وصل من دون الابرار
لكـن حبـك يالـغـلا لا يـزالـي


مسموح من دون اطلبك كثرة اعذار
ومسموح في كثر الهجر والجفا لـي


ولا تلومني لا صرت من حبك اغار
اصبحت احبك يالغلا كثـر حالـي