بالصور| بائع الترمس في أسوان ببيع للثوار فقط مش للمؤيدين بتوع الإرشاد

محمد سيد بائع الترمس بأسوان
"ياللا ياترمس خلاص باقى ساعات وتتباع بالرخيص"، و"لو الريس مشى هوزع الترمس ببلاش"، "الترمس للمعارضين فقط مش للمؤيدين".. هذه الكلمات يرددها محمد سيد حمدى (40 عاما) مقيم بوسط مدينة أسوان، متزوج منذ 10 سنين، ولكن مرضه الخطير منعه من أن يعمل فاعل أو أى شغل عنيف، لكن بدلا من أن يتسول لقمته عمل فى بيع الترمس، وحبه للمتظاهرين ضد الرئيس جعله يبيع الترمس على العربة وسط ميدان الشهداء بمحطة أسوان.








يقول العم محمد سيد بائع الترمس، "الحال تمام التمام مبسوط بهتافات المتظاهريين وبردد وراهم الأناشيد الوطنية، وهتافات يسقط يسقط حكم المرشد ، ومع الزحام الشديد ببيع كويس جدا، وياريت كل يوم يبقى فى تظاهرات وفى نهاية الليل بقوم بترك العربة فى الميدان فى أمان وسط الشباب المتظاهرين وأنا مطمئن عليها، واذهب إلى منزلى وأعود مرة أخرى بالترمس لبيعه للثوار الأحرار، مش المنقادين لحاكم تابع لمكتب الإرشاد".








ويضيف عم محمد "أنا ندرت لو أن الفريق السيسي أصدر بيانه النهاردة زى ما وعد وقال إن خلاص مافيش مرسي رئيس الجمهورية هوزع الترمس ببلاش على الثوار، لأنى بصراحة مش لاقى جديد فى عهد الرئيس مرسي، واللى كل حاجة ارتفع سعرها فى عهده حتى الترمس زاد الضعف فكان جوال الترمس 95 جنيها، دلوقتى بقى 180 جنيها، يعنى حتى الغلابة مش لاقيين ياكلوا عيش أو حتى يشتغلوا، ونفسي اللى يمسك بعد الريس يخللى بالوا من الفقراء اللى هم أكثر الشعب المصرى".

 

يسلموو على نشر الخبر والمتابعه
تحياتى اليكى