كلمات دويتو اغنية المصالح - دنيا سمير غانم وبوي باند

كل ما هتعيش هتقابل ناس عارفاك عشان مصالح
غش ونفاق تعرف منين مين فى الدنيادي صالح
لو حد له عندك مصلحة في وشك يضحك ويسلم
وآهو بعد ما تمشي هتلاقيه في ضهرك على طول يتكلم

مسرحية نجوم شباك وكله بيلعب على كله
واللي عامل فيها ملاك الشيطان ماشي في ضله

لو فيها فلوس الناس هتدوس ع النار علشان توصلك
أول ما تضيق الدنيا عليك هتشوف ايه اللي هيحصلك
لو عندك قوة تلاقي كتير على طول عاملين حسابك
والقوة دي لو منك تروح هتلاقي الكل سابك

مسرحية نجوم شباك وكله بيلعب على كله
واللي عامل فيها ملاك الشيطان ماشي في ضله

عيش الحياة مش كل حد تعرفه علشان ليك حاجة معاه
دي الحياة أحلى من كده بكتير
عيش الحياة لو حد عارفك علشان مصلحة يلا انساه
دي الحياة أبسط مش محتاجة تفكير

مسرحية نجوم شباك وكله بيلعب على كله
واللي عامل فيها ملاك الشيطان ماشي في ضله