انا مصري يا جدعان

انا مصري يا جدعان .. انا دمي رخيص اوي
مين عايز يشتري .. معروض انا للبيع

تلاقيني في بورسعيد .. ميت ومعايا صاحبي
قنوات وسخه من بعدي .. في الاعلانات تبيع

مين عايز يشتري .. انا دمي رخيص اوي

انا واحد عل حدود .. واقف بحميكي يا اما
واخد على نفسي عهد تفضلي يا مصر حره
واقف ومعايا اخويا .. واقفين بالسلاح
بين ثانيه وبين التانيه .. راح يااما اللي راح

مين عايز يشتري .. انا دمي رخيص اوي

رايحين عل ميدان .. رايح وسط العيال
رايحين نحرر مصر .. من ظالم الأجيال
رايحين ومع السلامه .. اصلنا مش راجعين
رايحين عل جنه ياما .. رايحين مع الملايين

مين عايز يشتري .. انا دمي رخيص اوي

انزل ياواد يلا .. اوتوبيسك اهو واقفلك
انزل الحق دروسك .. استاذك اهو نازلك
حاضر يابا انا ماشي .. تعالا مع السلامه
هات بوسه هاتلي حضن .. سايبلك يابا امانه
سايبلك روح بهيه .. مستنياك في الجنه
هاخد بأيدك يوم .. خليك جامد واستنى

انا مصري يا جدعان .. وفلـ بترينه واقف
رجلين ودراع هديه .. مستني دوري شايف
قدامي عالم ساكته .. بجد قلبي خايف
يجي حد ويصدق .. ويقول تتباع بكام

منقول

 

تسلم الايادي على جهودك
يعطيك الف عآفيه على الطرح الرائع..
لاحرمنا منك ..آبدآ..ولآمن تميزك..
بآنتظار جديدك المتميز
دمت بسعآدهـ
ولك مني أرق تحيه