كلمات اغنية تتر بداية مسلسل كلام على ورق

تطل علينا النجمة اللبنانية هيفاء وهبى خلال شهر رمضان المبارك بمسلسل كلام على ورق مسلسل مختلف عن الدراما التلفزيونية التى اعتدنا عليها المسلسل بطولة هيفاء وهبى ماجد المصرى , احمد زاهر, روجينا اخراج محمد سامى والسيناريو شارك فيه مجموعة من الشباب الصاعدة التتر غناء الفنان لؤى

كلمات اغنية نقابل ناس



نقابل ناس نفارق ناس وماشية الحياه عادي حال الدنيا بيتغير مابين الثانيه والتانيه هنعمل ايه
وده جارح وده مجروح وده عايش علي الماضي واحوالنا دي بتحير ولو نرضي هتحلالنا بتزعل ليه
ومين الدنيا دايماله محدش ضامن الايام يابخت اللي رضي بحاله وفرق بين حلال وحرام
سؤال واجابته عرفنها في يوم هنسيبها واخدين ايه مادام سايبينها سايبنها هنتضايق ونزعل ليه
نصيحه عيش ومتخليش حاجه شاغله تفكيرك غير الفرحه والضحكه مابتفارقكش في ملامحك ومش بتروح
ترتب ايه وتحسب ايه سيبك كله هيصيبك لكن عافر مع الفرصه وماتسبهاش في يوم ابدا تضيع وتروح
دقيقه بص كده حواليك هتلقي شمس بتنور وبعديها في عز الليل قمر سبحانه مين صور منور ليك






في قلبي الامل موجود قريب للي شايفينه هتتفائل هتضحكلك في غمضه عين هتبقي الدنيا ملك ايديك
حياتنا ساعات بنرسمها وبنجملها بالالوان في لون نختاره يكتمها ولون يدي لحياتنا امال
همومك بكره هتعدي مافيش حاجه مبتعديش حياه عايزاك تكون عندي وكل ما تقوي فيها تعيش
نقابل ناس نفارق ناس وماشيه الحياة عادي حال الدنيا بيتغير مابين الثانية والتانية هنعمل ايه
ودة جارح ودة مجروح ودة عايش على الماضى واحوالنا دى بتحير ولو نرضي هتحلالنا بتزعل لية