وللحزن في ضحكك رسوم وعلامات

ليه المسا ياعـوق الشقـاوي وطبّـه !!

وليه الهبوب تصحي القلب لا بـات

وليه القمر يدعـي جريـح المحبّـه ؟

ويقول له يا هيه ..ما فات .. / ما مـات

جرحك ظهر لو قلـت للوجـه خبّـه

وللحزن في ضحكك رسوم وعلامات

وليه المطر بالذات ريحـه.. وصبّـه

كنّه رسول بيـن الاحبـاب بالـذات ؟

اشتـاق فـيـه لشوفـتـك واتنـبّـه

للي نسيتـه مـن مواقـف ونظـرات

لا استانس الخافق ذكـر مـن يحبّـه

ورجع يراجع فالوناسـات مـا فـات

يا مرتـع القلـب الحزيـن ومربّـه

يزيين بك مثل الذهب صدر الابيـات

هيهات ينسى القلب شخـص ٍ لعبّـه

وهيات يدله خاطـري منـك هيهـات

سبك مديـح .. ومـدح غيـرك مسبّـه

تقول واذني صوتها تقول لـك هـات

ونبع الغـلا عنـدك وعنـدي مصبّـه

ومن الولا .. في خا لك ..ولاياات

وطيفك حطب عيني..وعينـي مشبّـه

والشوق برد ٍ ما انقطع لو للحظـات

ومكانك الصدر ولـك القلـب شبّـه

بين الضلوع اللـي فردهـا التنهـات

ولـك بيـرق ٍ فالقلـب حبـك يهبّـه

شامخ ولا هزه مـن العـذل غـارات

محبتـك فالوقـت ذا مــا تشـبّـه

الا بخيمـة بـدو بيـن العـمـارات

ان شفتني ضايق واهوجـس واسبّـه

اخاف غدر الوقت.. والوقـت دورات

لا تحسب ان دمعي نـزل دون سبّـه

ابكي من الفرقا وهـي مابعـد جـات

الـيـوم كــل امورنا..مستـتـبّـه

وبكره ماندري وش معه من مسـرّات

اربّ قلبـك مـثـل قلـبـي اربّــه

ما يخلفه كثـر العـذل.. والمسافـات

 

تتهادى الحروف كاناشيد المساء
ترتل اهازيج الغرآم
فتصفق لكى عنادل الدوح
وتبتسم لنبض قلبك قطرآت الندى
فتتراقص أوتار القلووب طربا
وتترنح سكرى بعذووبه البوح
حقاً
لكى قلم قمه في الروعه
ارق الود لسموك
عيون

متصفح رائع بكل مايحمله من معاني جميله
اقف صامته امام إبداعكِ الدائم
واهنيكِ عليها بكل شوق لحروفكِ
وآتمنى آلا يجف نبع قلمكِ الرائع
سلمتي وسلم نبض قلبكِ يارب
لكِ ودي وشذى الورد
تقبلي حضوري البسيط

طرح رائع ومفعم بالجمال والرقي..
يعطيك العافيه على هذا الطرح..
وسلمت اناملك المتألقه لروعة طرحها..
تقديري لكى..

طرح رااااااائع كروعتك يسلمووووو

طرح رائع
يعطيك العافية
وبانتظار جديدك القادم

يسلمو على الطرح القيم
بارك الله فيكى
وبنتظار جديدك القادم
تحياتى اليكى
فاادى