طريقة عمل الخبز البوري الهندي

الخبز البوري

المقادير

زيت للقلي
1 كوب ماء
2 كوب دقيق
½ كوب لبن دافئ
ملعقة صغيرة زيت
ملعقة صغيرة بيكنج بودر
ملعقة صغيرة خميرة فورية
ذرة ملح

الطريقة:

1- اخلطي المية والدقيق في طبق كبير واعجنيهم بإيديكي، وضيفي عليهم البيكنج بودر والملح والزيت والخميرة، واعجنيهم كويس لحد ما يمتزجوا، وضيفي اللبن بالتدريج لحد ما تبقى العجينة قوامها مضبوط، وتكون مش بتلزق في إيديكي، وتكون في نفس الوقت ناعمة وسهلة التشكيل.

2- قطّعي العجينة كور صغيرة وسيبيها في الطبق، أو على رخامة المطبخ لمدة نص ساعة علشان تختمر.

3- افردي العجينة المقطّعة بحيث تبقى رقيقة أوي، وبعدها اقليها في زيت على نار متوسّطة، وخلي بالك إنك ترفعيها من على النار أول ما لونها يبقى دهبي؛ لأنها ممكن تتحرق بسرعة، وممكن تقدّميها مع المشويات المشكّلة.. وبالهنا والشفا.

 

تسلمى عالوصفه ياقمر

وصفه جميله
شكرا لكى على مجهودك
تحياتى اليكى