اعظم وجع بالقلب

السلام عليكم ورحمة الله وبركاته


أعظم (وجـع) بالقلب لا صرت تشتـــاق

لـ اللي تحــــــب ولا أنت قـادر تشوفه!

يكويـك "جمــــــرٍ" داخـل القلب حرّاق

زود ٍعلــى نــــــــــاره تهـدّك طيوفه!

لا مـرّ بعيـونك كمـا نـوض بــــــــرّاق

مـالك مجــال إلاّ تســاير ظـــــــــروفه

ياصاحبـي لـو بينـي وبينـك آفــــــــاق

نفسي معـك في كـل حالـة شغـــــــوفة

ما كنت "قبـــلك" خلف الإحساس أنساق

وإن شفت دربـــــــــ الحب أسكت وأطوفه

إلين جـاني منعطـف سيـــــــــل الأشواق

صابه صمـود ٍ زلـــــــــــزل أجزاء خوفه

بغيـت أردّه بـس حسيـت بإخــــــــفاق!

في لحظـة ٍ"مـــــــــد" لـ كفوفك كفوفه

جا لك ولا كنت أحسـب الحـــــب دفاق

لين أغرق الخــــــافق وسال بـ نزوفه

أثْــر المحبـة نــــــــــبضهـا دوم سرّاق

دمي وهـو دمـي بجسمــــــــي تحوفه!!

حاولت أداري حـب قلبـي بـــــــــالأوراق

وأثْر الورق ماهـي أمينــــــــــــة حروفه

سـلّ المشاعــــــــــــر من متاهات الأعماق

وأصبح يفســــــــــــرّ كل وضـع بوصوفه

يكتب تقاريـر الغـلا وقت الإشـــــــــــراق

وعند المسـا يعطيـك باقـــــــــــــي كشوفه

يا"جامـــــــــــــع" حنيّـة الكـون بأخلاق

معـذور قلبـي لـو يضمك بجوفـــــــه....!!

 

هااايل جدا انتقاء مميز
تسلم ايدك

تسلم ايدك كلام جاااااااامد تحياتى

مشكورين عالمرور الجميل