أحاول أكتم أنفاسي أعـدّي ضيقتـي وأنـام

أحاول أكتم أنفاسي أعـدّي ضيقتـي وأنـام
أباعدهم عن عيوني يجون ف مُعظـم أفكـاري

أناديهم تعبت أقسى أجامـل وأحتـرق أيّـام
يطول الوقت وأتناسى من البايع من الشـاري !

بحاجتهم أنا وأدري نسوني من قبـل هالعـام-
ضمايرهم قست باعت وتاهت فيهم أعـذاري

نخيت الطّيب بعروقي يلاشيهم كمـا الأحـلام
عشان أعيش مرتاحه أنـا مابـي لهـم طـاري

تحمّلت الجفا منهـم تعـب هالقلـب ماينـلام
طعم هالمُرّ في حلقـه يذبّـل كـلّ أشجـاري

صرخت بصوت متجرّح [ ياغيّابي ] كِفى أوهام
كِفى هالصّبر حطّمني كسرني في وسـط داري

قويت الهم لكـنّ الغيـاب أقـوى مـن الآلام
ومن كثر القهر فيني كتبته حـزن ب أشعـاري

أشاكي الليل خلّوني أهذري والجـروح اقْيـام
ملامحهم تناديني وأحسّ الشّـوق بـي عـاري

يطلّ الصّبح أستنجد بقاياهـم وأجـرّ أقـدام
إلين أوصل مراسيهـم أبيّـح آخـر أسـراري

فقدت الفرح إحساس الأمان ومابقـى أقـلام
أخط فيها تناهيدي / طعوني / طيحة أسـواري

يهون الجرح لامرّوا بعينـي وأنطـق إستسـلام
تعالوا ضامني هالبُعد يَكْفِي لعب | ب أقـداري

 

طرح بمنتهى الروعهـ
سلمتْ يدآك على هذآ الإبدآع
لاعدمنـآ هذا التميز
بـ إنتظار جديدك بكل شوق
مع خالص شكري وتقديري

سلمت الأيادى على طرحك الراقى
الله يعطيك العافية
تقديرى

تقاطرت احرفك كزخات المطر.....
فرتوينــــــــــا بهطولها...
ولاح قوس قزح في سماء متصفحك....
راقيا بنثرك ... ومذهل في رسم حروفك ....
سلمت اناملك على هذا النثر الراقي كرقه مشاعرك...
ودي ووردي