أنتي بشر و إلا ملاك

أنتي بشر ؟ و إلا ملاك ؟ إلا ملاك ..إلا بشر


أنتي حقيقه يا ترى ؟ أو يا ترى و إلا خيال ؟


أنتي جنون الشعر ..وأنتي كل رنّات السمر


أنتي حلال ..إلا حرام ..إلا أجمل ذنوب الحلال


أنتي ملذات السهر ..ريحانة القلب الخضر


أنتي مسيقا ً ترسم الضحكه على وجه الليال


قبل أكحل عيوني إبـشوفك كنت رجل ٍ معتبر !!


ثم ضعت فالطوشه كذا ياهملا ياهملال


ميلي كذا ..هزّي كذا.. والقلب مع خصرك كفر


إيميل مع جسمك يمين..إيميل مع جسمك شمال


ياما أحتوى الثوب المشجّر تحت أزاريره ثمر


واااآبوك (ياللّوويست) الأسود كيف قاومت الثقال


(لبيه لأقبلتي ..ويا لبيه لأعطيتي ظهر


يا جعلنا خشره يا بو غمازتين ودق خال)


غرد يا أبو نوره فديت غناك ثم شد الوتر


انشهد اني فوق هام السحب وأنا أخو العيال


تكفين قومي وإدفري بالورك صدّام الفجر


خليني أتيه إبـجمالك من خلال ومن خلال


سلسالك الفضي كلاه العنق وأغراه النحر


ثم طاح بين اليوسفنديّات وأحرقه الجمال


هو ذا صدر..؟هو ذي فواكه ناضجه ..؟هو ذا قبر..؟


ويلي على شوفة فهد لحظات قبل الاغتيال


يا جعلني فدوة قوام ٍ هش واعلوه بدر


مع مَضحك ٍ يطغى به الفوشي على لون اللآل


(عقالي المرعز ) مقاس الخصر لا منْه أنهصر


وماله مجال يطيح تحت الخصر لو فل العقال


ناعم ملامس ..مخمليّ أطراف.. جذاب ٍ عفر


فيك الأنوثه.. والتغنّج ..والتدلّع ..والدلال


تفتّلي مع صوت أبو نوره ونسينا الفقر


(تراني الليله ما قيّش بالوليد إبن طلال)


(خدرتي اعصابي وقمت أهذي معاك بلا فكر)


الأمير نايف لو سجني سيدي حكمه عدال


دويت مع ريش النّعام اللي تبعثر وانتثر


خليه ياخذ ثار حوا من مداغيش الرجال


وان ماج من حد التراكي بان لي لون الزهر


وأقول يا حظ التراكي ناعمات ٍ في ظلال


وسجيت مع سود العيون اللي تكحّل بالسحر


والرمش تغريه الخدود وتاق طلعه للهلال


وأقفيت في بنج المحاسن تيه والله إيغفر


آمنت باللي صورك بالزين رهبه وإبتهال


يا غند.. يا كل الدلع ..يا مكس ..من بدو وحضر


يا سيدة كل القلوب اللي تلفت للكمال


تبختري يا أم التروفه ..والهوس ..طيش وكبر


إيحق لك ..وأنا تراه إيحقلي في كل حال


أنا بشر وأزل والخلاّق يغفر للبشر


يافريّ جيبي لأنتها ذا الليل ثم عشتك خيال

 

سّلِمت يًدآكْ عّ جميًل طرحكْ
بإنتِظآر جدِيًدِكْ بكْلِ شوَق
لكْ منيً جزيًلِ آلِشكْرٍ وَآلِتِقدِيًرٍ
موَدِتِيً

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


شاكر مرورك وتواجدك

نورتي متصفحي

تحياتي وتقديري

الله الله على الجمال
دائماالجميل لايأتى إلابماهوجميل
حروف عذبة طرية كونت فى مجملها
كلمات لهادلالات وتعانق العنان
سلمت وسلم لناقلمك الراقى
تقديرى

ﻃﺮﺡ ﻓﻲ ﻗﻤﺔ ﺍﻟﺮﻭﻋﺔ ﻭﺍﻟﺠﻤﺎﻝ
ﺳﻠﻤﺖ ﺃﻧﺎﻣﻠﻚ
ﻭﻳﻌﻄﻴﻚ ﺍﻟﻠﻪ ﺍﻟﻌﺎﻓﻴﺔ ﻋﻠﻰ ﻣﺠﻬﻮﺩﻙ
ﻓﻲ ﺍﻧﺘﻈﺎﺭ ﺍﻟﻤﺰﻳﺪ
ﻭﺍﻟﻤﺰﻳﺪ ﻣﻦ ﻋﻄﺎﺋﻚ ﻭﻣﻮﺍﺿﻴﻌﻚ ﺍﻟﺮﺍﺋﻌﺔ ﻭﺍﻟﺠﻤﻴﻠﺔ
ﻭﻓﻲ ﺍﺑﺪﺍﻉ ﻣﺴﺘﻤﺮ
ﺩﻣﺖ ﺑﺨﻴﺮ ﺃﻥ ﺷﺎﺀ ﺍﻟﻠﻪ ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل][فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]



شاكر مروركم وتواجدك

نورتم متصفحي

تحياتي وتقديري