حياتي من غيرك كابتشينو

فى حركـه غـير مسبـوقـة قررت انا وصديقـى(حمـوو) كمـا تعودت ان ادلــعـه -
حيث أن من حق الطويل يدلع- أن نلتحم بطبقات الشعب المطحونة ونذهب
لأحد أشهر مطاحن البن في الاسكندريه والذي تجذبك رائحته من على بعد
6 حارات لتناول واحد من ثلاث مشروبات أدمن عليهم وهو الكابتشينو

ولان أخوكم (انا )
لا يتجاوز طوله بضع سنتيمترات فقد قام حمـو متفضل بإعطاء بون الشراء "
لدكتور الكابتشينو" كما أسميته وكانت معاناة ما بعدها معاناة بالنسبة لي
للوصول لهذا الكوب الدافئ في يوم من أيام طوبة الذي جعلني كركوب
(متجمدا ) وفضلت احايلة ميردش أقوله انزل يقولى اللي عاوزنى يجيلي كده
برضه يا سونة يا خاين وبعد معاناة للوصول ابتدت الحرب مع تفريغ محتويات
أكياس السكر البنية اللون وقد تمكنت قواتنا من الوصول للهدف واقتحام هذا
السد المنيع وذلك بعد تقديم الشيخ حمـو يد العون معي في تقليب هذا
الكوب المستعصي

ولأن" اللماضه" في دمي قررت الانتقام قمت طلعت بنظري كده -
أيام ما كان عندي نظر- ونظرت نظرة ثاقبة لطبقة الأوزون لدكتور
الكابتشينو ونهرته بشدة : مش تعملوا حساب الناس اللي في
الأرض وتخلوا البار تحت شوية اعمل إيه أنا دلوقتى مش كمان بشرب
الكابتشينو للركب على الواقف وكمان مش عاوزني أطوله
دكتور الكابتشينو في ابتسامته المعتادة يشير في صمت لإحدى الأركان حيث يوجد
به حافة طاولة قصيرة إلى حد ما تستخدم للأطفال

احم احم تنحنحت في خجل وهمهمت :أنا اللي جبت ده كله لنفسي
ومحاولة لتدارك هذا الموقف قلت له : تسلم أيدك على الكابتشينو طول
عمري بقول عليك دكتور

وبينما أنا أسهب في الكلام عن هذه الخلطة السحرية وكيفية صنعها
واخراجها بهذا الفوم المليان إذ أرى على مرمى بصري
- أيام ما كان ليا بصر- لافته عجيبة نوعا ما تحمل الآتي

ممنوع التدخين للسيدات

قمت بجذب حمـو من طرف تيشرتـه لاستئذانه في النزول لأحدثه : شايف كاتبين إيه ي حمـو ناس ذوق ذوق صراحة
مش عاوزين الرجالة تدخن حفاظا على مشاعر السيدات المرهفات
و الأطفال الرضع وحديثي الولادة
حموو : يابنى لا دي أكيد قصدهم إن الستات هما اللي ميدخنوش بس غريبة الحكاية دى
أنا : طيب ما كانوا كتبوا ممنوع التدخين وخلاص اشمعنى يعنى السيدات لا هي أكيد زى ما بقولك كده
ولكي اقطع الشك بالسكين عن مغزى هذه ألافته
لم أجد استشاري أمامي إلا دكتور الكابتشينو

(أنا : إلا قولي يا ريس ( على اعتبار أن هذه الكلمة ذات صدى ارهابي
عفوا ايجابي ومن أحب الكلمات لأذن الشعب المصري
انتوا كاتبين ممنوع التدخين للسيدات تقصدوا إن
الرجالة يمتنعوا عن التدخين عشان خاطر السيدات الفضليات حفيدات ابلة
حكمت ولا تقصدوا إن ألطف الكائنات نفسها تمتنع عن التدخين

يجيبني مقاطعا : ايوه
حاطينها عشان فيه سيدات منقبات بتدخن سجاير هنا وشكلهم بيبقى
وحش

أنا :اممم يعنى عشان واحده منقبة عملت كده تكتبوا الكلام ده طيب؟

في سري: وازاى تعمل كده مش يمكن البيشه تولع هي حابكت يعني الليلة يا عمدة؟

الدكتور :لا مش كده كذا واحده منقبة ومحجبة عملتها
وشكلهم مش مستحب

أنا :
امممممممممم يعنى لو كانت بشعرها وبتدخن
مكنش فيه مشكله ماكنتوش علقتوها

الدكتور : لا إحنا مكتبناش كده إحنا نقصد المصريات
لأنهم لما يدخلوا يدخنوا كده شكلهم يعنى مش ولابد

أنا :امممممممممممممممم يعنى لو واحده صابغه شعرها اصفر أو مش مصريه
عادي تدخن لكن العيب إنها تكون مصريه ومسلمه ومحجبة
أو منقبة لكن غير كده براحتها وكمان الرجالة عادي لما يدخلوا يدخنوا البيت بيتهم

الدكتور : أصل فيه هنا زباين منقدرش نزعلهم

أنا : امممممممممممممممممممممممممممماشى
( وانغمست مرة أخرى في شوب الكابتشينو)

 

ماشاء الله
الله يعطيك العافية
على الطرح الراقي والجميل
تسلم الانامل على ماخطته لنا من الروائع
بانتظار جديدك القادم
تحياتي وتقديري

تسلم الأيادي على الطرح الرآئع
تحية عطرة لِ روحك النقية
شكراً لك من القلب على هذآ العطاء
مودتي,,

جزيل شكرى وامتنانى على
خطته لناأناملك الذهبية
تقديرى

يسلمو على الطرح القيم
بارك الله فيكى
وبنتظار جديدك القادم
تحياتى اليكى
فاادى

آنتقآآء جميل ومميِز
تسلم آناملك على آختيارك الرآئع
سنبقى نترقب دومآ جديدك الغني بالمتعه
تقديري واحترامي لشخصك الكريم

دمت رائع الطرح وافر العطاء
أكاليل الزهر أنثرها في صفحتك
مع خالص تحياتى وفائق تقديري