هنا عطــــركـ

يمرك بالي اشهى من كلام ٍ ضيّـعوه اثنين وامـّرك كني اللي مختنق لاطـّرو الاوطان انا مااخترت احبك لو قدرت آحبك بيومين ولافكـّرت من قبل الحنين احبـك مـْن الآن! تفضل قلبي اللي في بياضه ضاعوا السارين! وابيك تودي القلب اليباس لهجرة الهتـان انا صرخة عيونك من نعاس يعلـّـق السقفين على جدار السهر ويطيح بال وينهدم وجدان بقى من فوقك طاولتـْـك مناديل وهدب ويدين عقب ماغبت ماادري غابت الدنيا ورى الاحزان هنا عطرك حزين وقلبي البلور والنسرين تكسّر وانشرخ حلم ٍ طويل ٍ يشبه الإمكـان ياليتك ترجع اكثر من غيابك وابتعادك لين: تكون اقرب من ابعد دمعة ٍ تهرب من الأجفـان على ميعادنا وقـّع فراش وطار عصفورين وانا قلبي "غصن"ماله ثمر في شجـْرة الحرمان نواياي الطباشير ان تفتت فالوهم تخمين ونواياك الكحـْـل لاصرت اشوف اني بقايا انسان هلابك لو غيابك مر لحظة من بعد عامين تراحيبي حضور ٍ في غيابـك وانشد النسيان! اسولف بك علي ولاقدرت اسكت الى هالحين جميل انك تسولف وانت تصغي للحديث آذان ! وانا ماكنت اقول انك سكنت عيوني الثنتين مادام انك ورى حدب الضلوع تفتـّـح البيـبان حبيبي قسمّو قلبي رفاقي وانقسم قسمين وجيت آدوّر اللي يجمعه في سكـة الأحزان .. :