يـحـترق إذا انفجـر صـمتي كــلام سرب الحمام

يـحـرم المعنى، وهـو عـند الـمقام
لو يطوف الكون والمسعى رحيب


يـحـترق إذا انفجـر صـمتي كــلام
واشتعل راسـي من التفكير شيب


ياسمـو العـرف،، يـاراس السنام
الحظوظ كبار.. والمجنى عـريب


لو يطيح الشمع من عين الظلام
مايموت الجمر،، من تحت اللهيب


ولو يطير الحلم.. مع سرب الحمام
فـالسما ماشافت عـيوني قـريب


إن سهرت الليل،، كله لجل أنام
الصباح.. أمن السهر يآخذ نصيب


وتلـذذ بـالصـبـر،، مـثل الـغــرام
وتهاون بالألـم.. مـثل الطبيب


وإن ذكرت سنين عمري عام عام
صرت مثل النور لاشاف المغيب


ماكرهت أحب،، إلا بالحــرام
وعشت بين الحلم والواقع غريب


إن بديت أمن النهاية.. باحتـرام
انتهيت أمن البدايه قبل أطيب


وإن دخل حظي مع باب السلام
والله إن ظني بربي مايخيب


انفطرت،، أمن الألم بعد الصيام
والتئمت، وصرت من جرحي لبيب


الكريم يعيش،، وجروحه كرام
لو عوا بين الضلوع العوج،، ذيب


ينهش ويبقى من الجسم العظام
مثل عودٍ زاده الأحراق طيب

 

كلمات روعة ..~
وآحساس رآآقي ..~
ابدعت بطرحك الذووق ..~
يعطيك العافية ..~
ودي لك ..~