ياليت حزني مجرد دمع وأبكيه

الصمت يكفي ويشفي صدر راعيه
لا صار كل ألحكي مالـه معانـي ..

والقلب ما عاد تعنيه المشاااريـه ..
والعين ما عاد تغريهـا الأماااني ..

والخاطر المكسور من يقدر يسليه
لا الناس ولا الشعـر ولا الأغاني ..؟

يا كاتب الحزن في قلبي وقاااريـه
في نظرتي في انفعالي في حناني..

يا ليت حزني مجرد دمـع وابكيـه..
ما هو عايش معي بين المحانـي..

ما هو يظهر علي وأحاول أخفيه
و تصير نظرات حزني هي لساني

لو للسحايب سجن يا عبرة التيـه
والله ما أحبسك بخافقـي لو ثوانـي

مدري ذكرني زمان كنت ناسيـه
مدري ذكرت الزمان اللي نسانـي

كنت اكره البحر وأخاف الغرق فيه
و اليوم أحبه وأخاف من المواني

كنت اعشق الجاي بأحلامه وأمانيه
يا ما بنيت بخيالـي لـه مبااااانـي

يا ما رجيت الغلا من مـدة يديـه
حتى خذا كل شي ومـا عطاااانـي