هون على روح تبا منك راحه

يا اللي ملكت الروح لا تتعب الروح هون على روح تبا منك راحه دار الخفوق اللى بالاشواق ملحوح لح الغريب اللي نوى البعد زاحه وارحم فوادي م التسلي والمزوح وانته فهيم ابسلوته وانشراحه مضناك م الفرقه جريح ومطروح دامك بعيد من يداوي جراحه جازيتني عن طول وجدي ومسموح بنار في قلبي مساه وصباحه (مقدر) على بعدك وانا منك مذبوح وش حيلتي في اللى عيونه سلاحه قلبي من اصدودك مثل طير مجروح طاوي على كسر المحبه جناحه شفتك بعيني بر في لجه ايلوح وانا غريق وما اعرف السباحه حسنك وزينك متلفّني ولا بوح خيم على قلبي حذر واستباحه ليلي ونهاري من عنا شوقي انوح عطني من الاشواق يوم استراحه يا ليت ترحم حالتي قبل لا اروح وتروف بااللى عد شوفك رباحه قل لي شعورك في صراحه وبوضوح انا احبك قلتها بالصراحه