|
#1
07-02-2013, 09:18 AM
|
|||||||||||||
|
|||||||||||||
مطلوب زعيم
 مطلوب زعيم لشعب طول عمره عظيم لشعب كان فاعل زمان لكنه هان حتى انه ثار بإيدين كبار وإيدين صغار مفعول به بيقسموا ويفرقوا بيقطعوا في عين اللى جابوا واللى جابوا ابوه علشان يموت او ينتهى مطلوب زعيم لشعب حكموه خانوه وتوهوا وغيبوا واللى انتبه منه وفاق غموله عينه وكمموه وسلموا فى المعتقل لكلاب جعانه يقطعوه لكنه رغم القهر قام زئر وزام وفى اسبوعين زلزل حصون الجلادين هد النظام فوق راس جميع المفسدين مطلوب زعيم يحمى الحقوق يعدل ما بين الناس تمام زى الفاروق ويكون حنين على الفقير وعلى اللى فاسد يفترى يهدم على دماغه الشقوق ويعقله فى المشنقه او يرفعوا على راس خازوق مطلوب زعيم ميقولش على الخواف حكيم ويكون كمان سمعه سليم يسمع لنبضه قلبنا ويكون مكانه فى وسطنا ما يعيشي ابدا في القصور والبعض منا للاسف ساكنين قبور يشرب و ياكل اكلنا و يعيش كاواحد مننا يسمعلنا ويشور وياخد راينا وقت الخطر نتلم حواليه كلنا ونضحى وياه بعمرنا مطلوب زعيم على المسؤليه يكون امين ويكون جرئ ويكون شجاع مش امعه وحته بتاع يعرف يقول للظلم لا ويموت ولا يفرق فى حق نقدر نحاسبه بالقانون اونعزله لو للامانه يوم يخون لا يشترط للشكل ايه لا يشترط للسن ايه لا يشترط للمله ايه شرطه الوحيد يكون بشر بالاختصار مطلوب دكر
|
.gif)
| مواقع النشر (المفضلة) |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض الشجري
|
|
الساعة الآن 12:19 PM