طريقة عمل طاجن اللحمة بالجزر

المقادير:

كيلو لحمة
3 ثمرة جزر مقطعة شرائح
2 عود كرفس مقطع لقطع صغيرة
2 بصلة مقطعة لقطع صغيرة
¼ كوب صلصة طماطم
4 فص ثوم مفروم
2½ كوب شوربة أو ماء
ملح وفلفل أسود
زيت زيتون

الطريقة:

1- تبلي اللحمة بالملح والفلفل الأسود، وبعدين شوحيها في زيت الزيتون، وبعد كده شيليهم على جنب.

2- شوحي البصل في زيت الزيتون اللي عملتي بيه اللحمة لمدة 5 دقائق، وضيفي عليه رشة ملح، وبعد كده ضيفي الثوم وقلبيهم على النار لمدة دقيقة وبعد كده ضيفي البصل على اللحمة.

3- ضيفي على اللحمة صلصة الطماطم والجزر والكرفس وفلفل أسود والشوربة أو الماء حسب الرغبة، وقلبيهم مع بعض وسيبيهم على النار لمدة ساعتين لحد ما الخليط يغلي كويس، وبعدين قدميها.. وبالهنا والشفا.