فارس على صهوة حصانه وخيال

يالله يالمعبود ترحم بحالي
عيني جفاها النوم والدمع همال


من فرقت الاحباب مرتاح بالي
وين السعاده وينها راحت البال


مرت على فرقاء الحبايب ليالي
صبري نفذ ياناس وافراقنا طال


الدمع من عيني وسال الكحالي
مضى على حمر الوجن مثل شلال


وانا معه وافي وخلي وفاالي
والوقت فرقنا وغير بالاحوال


لاهو سلى عني ولاني بسالي
مير الحزن والشوق هبل بي هبال


وكل ماترمش عيوني طرالي
لا غاب عن فكري دقيقه ولا زال


هو مهجتي هو خافقي راس مالي
هذ اللذي لا قلت رجال رجال


شماغه الاحمر ولبس العقالي
مامثله رزه ولا ميلت اعقال


غالي على قلبي وعالناس غالي
في خاطري منساك لو بيننا اميال


لو زان حظي والحبيب حلالي
ماهمني لاولد عمي ولا خال


لو كان يتقدم امير ووالي
مختار غير صويحبي طيب الفال


ولا وزير المملكه والمعالي
اميزه عن كل نشمي وذلاال


يتشابهون الناس واقرب مثالي
الاربعين اللي نقوله بالامثال


اما حبيبي فوق كل احتمالي
نادر وجوده بين جيله والاجيال


كامل وربي كمله بالجمالي
فارس على صهوة حصانه وخيال