سافـر وخـل الوداع وتكفي طعونك هدايا

أستبيحك في غلاك ... اللي سكن بين الحنايا
وأستبيحك عن خطاي اللي جنيته غصب عني
وأستبيحك بالهوى اللي صار من ضمن البقايا
يـوم يسرح في خيالي .. ب الظليمه والتجني
والمجال اللي عطيتك ... خارج حدود المرايا
أنكسر يوم أن قلبي .. تـااااه في بحر التمني
وأندثـر باقي جنوني .. وأنتثـر فوق الزوايا
وأنتهى وقتٍ قضيته ... بين طيب وسوء ظني
يعلم الله ... ما جزعت من الجرايم و الخطايا
هذا حظي .. من عرفته ... والمصايب يبتلني
ما أنصدمت بواقعي بس أنصدمت من السوايا
كيف تسعى لأغتيالي وأنت ما غيرك سكني ؟
يكفي اللي قد جرى لي .. أمتلا جسمي كوايا
يوم ما صدقت .. من قال : السلامه ب التأني
سافـر وخـل الوداع .. وتكفي طعونك هدايا
والخناجر .. من يدينك .. في زماني يطعنني
أرحل .. وسافر بعيد .. بدون لا تكتب وصايا
ما بقى لي منك .. غير حروف باقي يجرحني
أنتهى وقـت المرافع ... وأقفلـت كل القضايا
وأبتدى عشـق المسافه .. والكلافه .. والتثني