أحكي بهمسك حبيبي توها تغفي جروحي -

مدخل/ احكي بهمسك حبيبي توّها تغفي جروحي لا تصحيها ترا تنويمها عندي صعب ليه متأخر حضورك ؟ راحت ايامي وروحي ! لي ثلاث سنين بحدادي على قول العرب احرجوني في سؤالي عنك وما اقوى ابوحي كل ما قالولي وينه ؟ قلت .. ماربي كتب ! مخرج/ الله يسامحك مابي ادعي بلحظة غضب صرت ماضي في حياتي وانت بالماضي طموحي دارت الدنيا وياما دارت الدنيا عجب ! خذ جنودك من خفوقي ما بقى لك بي فتوحي جيشك اللي مارحمني .. بعد مافاز .. انغلب! لا تجيني ودي تنسى دربي وترحم جروحي خلها تغفى طلبتك هذا هو آخر طلب