مين اللى بيحبك قدى

مين اللى بيحبك قدى تراهنى عليه
لو شاف جمال حبى وودى واللى انا بديه
يخاف لايدخلى تحدى اكسفه واخزيه
انا اللى بحبك وادى ولا بسال ليه
مفيش بشر حبك قدى ولايفهم فيه






شاور على حد يحبك
ويكون فى مره شغل قلبك
لو كان فى يوم يفضل جنبك
هيعيش ساعات بس فى قربك
مش كل عمره يكون وياك
ويعيش حياته بحالها معاك





انا اللى بوهب حنيه
لو كنت مش سال فيه
وانا اللى لو تقسى عليه
عمرى مخدها بسؤ نيه
بقول اكيد ده عيب فيه
وبعمل الحق عليه






تلاقى فين كده طيبه ووداد
وشوق وحب مش استعباد
عندك حبيب غيرى يحبك
ويموت عليك لو حتى بعاد
مين ده اللى بيحبك قدى
مفيش وادخل فى تحدى