بطاقة تعريف..

أنا أُم باتِت فـِ الوَجَع

أنا أب تايه فـ الطَريق
أنا شاب مات مِش مُرتَجَع
أنا صِدر مِتنفِس بـ ضيق
أنا عين و مفقودة البريق
أنا أي شئ
غالي و هان
أنا أرض مِنداسة بـ هوان
أنا بِنت حِلوة و جوزوني
لشِيخ مطاطي و قَلبهُ خان
أنا كُل دقات البيبان
و الزحمة
و الصَمت الغميق
أنا كُل صرخات الغريق
أنا شَعب رافِض إنهُ يبقى
جوا أسوار المضيق
أنا مِش تكية أُم عوا
و إسماعيل
و كمان شَفيق
أنا كِلمة فاقِت كُل شئ
أنا إسمي مَصر